ISAÍAS 22:11 - Biblia Guarani Tumpa Iñee

¹¹ Jókuae tëta guasu ikësea mókoi oyóvai ñogüɨnoi vae ipäu pe peyapo ɨ jɨrurä, jókuae ɨrɨru ñɨma vae kotɨ güi ou vae. Mbaetɨ reve pemboete jókuae iyapoa, arakae yae ma omee vae.

ISAÍAS 22:11 ပူးပေါင်းရင်းမြစ်များ

2 REYES 20:20

Ïru mbaembae Ezequías regua, opaete imbaepuere regua, ɨrɨru oyapo vae, ɨrape, güɨraja vaerä ɨ tëta guasu pe vae, oyekuatía oï tembikuatía pe, Judá pegua mburuvicha guasu reta regua oyekuatía oïa pe.

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

NEHEMÍAS 3:16

Salum güi kutɨ oï Nehemías, Azbuc taɨ. Nehemías jae ko mburuvicha ɨvɨ Bet-sur jovaicho re; jae omopüa ye ovapetea guasu, güɨrajai güɨroväe David jɨvɨa jóvai, jare ɨrɨru oyapogüe jóvai jare Jëia vae reta jo jóvai.

ISAÍAS 17:7

Jókuae ara kuimbae omaeta Iyapoa re, omaeta Iyoambae Israel pegua re.

ISAÍAS 22:10

Jare peiparavo amogüe o reta Jerusalén pe, pemboai amogüe peyapo katu vaerä tëta guasu ikësea.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

ISAÍAS 7:3

Jayave yandeYa jei Isaías pe: “Ekua, nde jare nderaɨ Sear-jasub ndive peövaiti mburuvicha guasu Acaz, sekia ɨrɨru tuicha vae kotɨ ojo vae iyapɨ kotɨ, tape ojo Mbaeputuka renda kotɨ vae pe,

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

JEREMÍAS 39:4

Jare mburuvicha guasu Sedequías jare isundaro reta oecha yave kuae oasa oï vae, otekuarai reta tëta guasu güi. Ñogüɨnoe reta pɨ̈tu yave, tape mburuvicha guasu iko raɨ rupi oasa vae rupi, öke tëta guasu ikësea mókoi oyóvai ñogüɨnoi vae ipäu pe oï vae rupi, jare yogüɨraja tape Arabá kotɨ ojo vae rupi.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.