ISAÍAS 21:9 - Biblia Guarani Tumpa Iñee

⁹ Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 21:9 ပူးပေါင်းရင်းမြစ်များ

ISAÍAS 13:19

Babilonia, tëtaguasu reta omboete yae vae, Caldeaɨgua reta oyembotuicha jare oyemboete jese vae, opɨtata Sodoma jare Gomorra che opa amboai vae rami.

ISAÍAS 14:4

rereta kuae ñee arakuaa pegua, mburuvicha guasu Babilonia pegua kotɨ: “¡Mase, kërai ou opɨta imbaeyuvanga yepi vae! ¡Mase, kërai ou opɨta tëta guasu oro oipota rai yae yepi vae!

ISAÍAS 2:18

jare opaeteita omboai tumpa-raanga reta jókuae ara.

ISAÍAS 21:7

Oecha yave kavayu reta omoata käretou vae, ani kuimbae opo oyoapɨ mburika re ani camello re vae reta yave, tomae kavi jese.”

ISAÍAS 47:5

“Eguapɨ, nekïrii ngatu Caldeaɨgua, eñeñono pɨtumimbía pe, echa ngaraa ye ma nereenɨi reta: ‘Tëtaguasu reta juvicha kuña’.

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

ISAÍAS 48:14

Peyemboatɨ opaete pe reta jare peyeapɨsaka: ‘¿Kia pa pegüi reta ipuere omombeu voi kuaekuae reta oasata vae? Kërai che, jókuae kuimbae aiparavo vae, oyapota ko Babilonia kotɨ che ayemongeta ayapo vaerä vae, jae ko Caldeaɨgua reta kotɨ.

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

JEREMÍAS 50:38

¡Titɨpa iɨ̈aka reta; opa totini chugüi reta! Echa Babilonia jae ko tëtaguasu itumpa-raanga pota yae vae, jókuae rupi oyembopɨajopa reta.

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 50:9

Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

JEREMÍAS 51:27

¡Peupi bandera ñeraro pegua tëtaguasu pe! ¡Pemoñee mimbɨguasu, toyeapo katu tëtaguasu reta oporepeña vaerä Babilonia re! ¡Pepüa ikotɨ mborookuaía reta Ararat pegua, Mini pegua jare Askenaz pegua! ¡Pembojee metei sundaro ruvicha oporogüɨraja vaerä ñeraro pe! ¡Pemondo tenonde kavayu regua reta, tuku reta pochɨ yae vae rami!

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:47

Jáeramo, oväeta ara amboai vaerä tumpa-raanga reta Babilonia pegua, kuae tëtaguasu oñemomaraiukata, jare tɨnɨeta tëogüe reta pe.

JEREMÍAS 51:52

Ërei yandeYa jei: “Oväe ara amboai vaerä tumpa-raanga reta Babilonia pegua, jare opaete iɨvɨ rupi jäseta ipere vae reta.

JEREMÍAS 51:64

jare ere: ‘Köraita Babilonia ojo ɨ́vɨkotɨ, jare ngaraa ye ma opüa yandeYa ombouta omboai vae güi.’ ” Kuae pe Jeremías iñee reta iyapɨ.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

Apocalipsis 14:8

Jare araɨgua mokoía ïru jaɨkue ou vae jei: “¡Oa ma, oa ma Babilonia, tëta guasu tuicha vae! Echa jae jeko ikavimbae pe omongau opaete tëtaguasu reta.”

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.

Apocalipsis 18:21

Jayave metei araɨgua imbaepuere yae vae oipɨɨ metei ita, ita tuicha vae oyembaeso pɨpe rami vae, jare omombo ɨguasu pe jei reve: “Köraita rea tätagüe tëta guasu Babilonia. Ngaraa ye ma kia ndereecha.