ISAÍAS 21:4 - Biblia Guarani Tumpa Iñee

⁴ Chepɨa jopa apɨta, arɨrɨi akɨɨye güi. Pɨ̈tu amomora yae yepi vae, añave, chemongɨɨye.

ISAÍAS 21:4 ပူးပေါင်းရင်းမြစ်များ

1 REYES 1:49

Jayave Adonías oparea chupe vae reta, omboɨpɨ okɨɨye yae reta jare opüa opa yogüɨraja jëta jëta ae kotɨ.

ESTER 5:12

Jare Amán jei ye: —Ester mbaetɨi kia oekauka okaru mburuvicha guasu ndive, jaeño che; jare pɨareve peguarä oparea ye oreve.

SALMOS 55:5

Akɨɨye yae jare arɨrɨi aï, ¡kɨɨye yavaetegüe cheöva!

SALMOS 55:6

Jare jae: “Mbae mona chepepo, aveve vaerä pɨkasu rami; aveveta jare aputuuta tëi ko.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 51:39

Jakuvo ma yave, ameeta jou mbae oporombosavaɨpo vae, osavaɨpo yae vaerä. Jökorai oketa jekuae avei pegua, ngaraa ye ma okuera. Che peYa ko jae kuae.

JEREMÍAS 51:57

Mburuvicha guasu, yandeYa Imbaepuere yae ete vae jei: “Ambosavaɨpota Babilonia pegua mburuvicha reta, iyarakuaa vae reta jare sundaro ruvicha reta, jare mburuvicha guasu iyɨvɨrigua reta jare sundaro reta; jökorai oketa jekuae avei pegua, ngaraa ye ma okuera.

DANIEL 5:1

Mburuvicha guasu Belsasar oyapo metei arete tuicha vae mil rupi vae imborɨa mburuvicha reta peguarä, jare jou vino jókuae reta ndive.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

DANIEL 5:5

Jókuae ora pe voi oyekuaa metei kuimbae ipo ombaekuatía mburuvicha guasu jo iovapetea oñemotïigüe re vae mechero jóvai. Mburuvicha guasu oecha kuimbae ipo ombaekuatía vae.

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

DEUTERONOMIO 28:67

Pekɨɨye yae jeko pegua, jare mbaembae peechata vae peko pegua, ndeimbove yave pereta: ‘¡Mbae mona pɨ̈tu mo!’ Jare pɨ̈tu yave pereta: ‘¡Mbae mona köe mo!’

DEUTERONOMIO 32:11

Güɨraké oveve oyere jaitɨ re jare omborɨ oveve imembɨ reta, oipɨso ipepo jare ovoɨ, jare güɨraja ikupe re rami.