ISAÍAS 21:3 - Biblia Guarani Tumpa Iñee

³ Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

ISAÍAS 21:3 ပူးပေါင်းရင်းမြစ်များ

SALMOS 48:6

Okɨɨye yae reta, mbae jasɨ omborɨrɨi reta, kuña imembɨ oa oï yave vae rami;

ISAÍAS 13:8

okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 15:5

Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

ISAÍAS 16:11

Jáeramo, chepɨa yaeo arpa ipu rami, Moab re jare Kir-hareset re.

ISAÍAS 16:9

Jáeramo, ayaeota tëta Sibma jemitɨ reta re tëta Jazer oyaeo rami, apɨyereta cheresaɨ nderé tëta guasu Hesbón jare Eleale, echa ndembaarɨvo jare ndembaepoo iara pe outa ñeraro.

ISAÍAS 26:17

Kuña imembɨ oata ma yave, jäse, imembɨrasɨ güi rami ko, roï nderóvai oreYa.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 48:41

Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 50:43

Mburuvicha guasu Babilonia pegua oikuaa yave kuae re, mbaetɨ oikuaa mbae oyapo vaerä okɨɨye güi, ipɨatɨtɨ yae jare jasɨ chupe, kuña imembɨ oa oï yave vae rami.

JEREMÍAS 6:24

Jerusalén pegua reta jei: “Roikuaa yave jërakua yae vae reta regua, opa orerëogüe; orepɨatɨtɨ yae jare jasɨ oreve, kuña imembɨrasɨ oï yave vae rami.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

San Juan 16:21

Metei kuña imembɨ oata oï yave, oiporara yae jasɨ chupe ramo, echa oväe iora. Ërei imembɨ oa ma yave, mbaetɨ ma imaendúa oiporara yae vae re. Echa oyerovia imembɨ oa vae re.

DEUTERONOMIO 28:67

Pekɨɨye yae jeko pegua, jare mbaembae peechata vae peko pegua, ndeimbove yave pereta: ‘¡Mbae mona pɨ̈tu mo!’ Jare pɨ̈tu yave pereta: ‘¡Mbae mona köe mo!’

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.