ISAÍAS 21:2 - Biblia Guarani Tumpa Iñee

² Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 21:2 ပူးပေါင်းရင်းမြစ်များ

GÉNESIS 10:22

Sem taɨ reta jae: Elam, Asur, Arfaxad, Lud jare Aram.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

SALMOS 119:158

Aecha yave iñeereendumbae reta chearasɨ, echa mbaetɨi oyapo reta neñee.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 60:3

Reechauka ndembae vae reta pe mbae yavai yae vae, remee roɨu vino oporombosavaɨpo vae re rami.

SALMOS 79:11

Eyeapɨsaka tembipɨɨ reta jäse re, eroasayepe ndembaepuere pe oyeyukauka vaerä etei ma ñogüɨnoi vae.

PROVERBIOS 13:15

Iyemongeta ikavi vae, oporombopɨakatu, ërei oyembopɨapochɨ vae reta, oepeña kañɨtei.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 14:4

rereta kuae ñee arakuaa pegua, mburuvicha guasu Babilonia pegua kotɨ: “¡Mase, kërai ou opɨta imbaeyuvanga yepi vae! ¡Mase, kërai ou opɨta tëta guasu oro oipota rai yae yepi vae!

ISAÍAS 14:7

Opaete ɨvɨ pegua reta oputuu pɨagüive ñogüɨnoi, jare jäsémbai oyerovia reta güi.

ISAÍAS 22:6

Elam pegua reta oyapo kavi ma juvɨrɨru, ñogüɨnoi ma ikavayu re jare ikäretou ñeraro pegua pe; jare Kir pegua reta güɨnoe ma iyeopiaka.

ISAÍAS 24:16

Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

JEREMÍAS 25:25

opaete mburuvicha guasu reta Zimri pegua, Elam jare Media pegua reta;

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 31:25

Echa ameeta jeta okaru kavi jare oɨu, ikangɨ jare ipɨtu vae reta.”

JEREMÍAS 49:34

Sedequías omboɨpɨ oiko mburuvicha guasurä Judá pe yave, yandeYa jei Jeremías pe Elam regua körai:

JEREMÍAS 49:35

“Che, ndeYa Imbaepuere yae ete vae jae: Elam igüɨrapa reta amopëta, jae ko jókuae jembiporu iyeroviaka ete.

JEREMÍAS 50:14

¡Uvɨ regua reta, peñeñono kavi, peimama Babilonia! ¡Opaetei peruvɨ reta pemondo ikotɨ, echa iyoa reta chekotɨ!

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

LAMENTACIONES 1:22

Tojo nderóvai opaete jae reta ikavimbae oyapogüe; eyapo vi chupe reta, opaete chepɨapochɨ re reyapo cheve rami, echa ayaeo mbatee yae ma ko, ¡chemombaerasɨ ma!

DANIEL 5:28

PERES: Ndeporookuaía oyemboyao ma, jare oñemee Media jare Persia pegua reta pe.

DANIEL 5:9

Jayave mburuvicha guasu Belsasar okɨɨye yae ete, jare jovaiyu, jare iyɨvɨrigua mburuvicha reta ipɨakañɨ yae.

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

DANIEL 8:20

Vecha kuimbae mókoi jäti reecha vae, jae ko Media pegua jare Persia pegua mburuvicha guasu reta.

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.

1 SAMUEL 24:13

Ndechi reta iñee arakuaa pegua jei rami: ‘Jeko kavimbae reta güi oë mbae ikavimbae.’ Jayave che ngaraai amopüa chepo nderé.