ISAÍAS 20:5 - Biblia Guarani Tumpa Iñee

⁵ Jare opaete vae okɨɨyeta jare imarata, echa Etiopía re oyerovia reta tëi, jare Egipto ko jae reta iyemboetea tëi.

ISAÍAS 20:5 ပူးပေါင်းရင်းမြစ်များ

2 REYES 18:21

Aikuaa reyerovia reï Egipto re. Ërei peikuaa kavi, Egipto ko täkuareerasɨ oyemboakuarovi vae rami, kia nunga vae oyeko jese yave oikutu voi jare oësɨvo ipo. Jökorai ko Faraón mburuvicha guasu Egipto pegua, opaete jese oyeko vae pe.”

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 30:3

Ërei Faraón iporomborɨ, omomaraiuka retata, jare Egipto re oñepɨ̈ro reta tëi vae, omomichiuka retata.

ISAÍAS 30:5

jeseve pemarata jókuae tëta guasu mbaetɨ pemborɨ vae jeko pegua, mbaetɨ ikavi peve, mbaetɨ ombou peve yemborɨ, jaeño ñemomarai jare susere peväe peyeupe.”

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 36:6

Ko, aecha reyeko reï Egipto re. Egipto ko metei popoka tätambae rami, opë yave jaɨgüe yandepotuku rami. Jökorai ko Faraón, mburuvicha guasu Egipto pegua, opaete oyeko jese vae reta peguarä.

ISAÍAS 36:9

Nde ngaraa ndepuere reñeraro cheruvicha guasu isundaro ruvicha taɨkuegua ete ndive ave, ¡nde rerovia Egipto omeeta ko ndeve kavayu jare sundaro kavayu regua reta vae!

ISAÍAS 37:9

Joko pe mburuvicha guasu Asiria pegua oendu Tirhaca, mburuvicha guasu Etiopía pegua ou oporepeña jese vae. Jare jekuae omondo ye jekovia pe imiari vae reta, jei vaerä mburuvicha guasu Ezequías pe:

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

JEREMÍAS 46:25

YandeYa Imbaepuere yae ete vae Israel iTumpa jei: “Amboaita Amón, Tebas itumpa jare Egipto itumpa-raanga reta, aiporaraukata Egipto pe, jare juvicha guasu reta pe; aiporaraukata Faraón pe jare güɨrovia katu jese vae reta pe.

EZEQUIEL 29:16

Israel pegua reta ngaraa ye ma oyeko Egipto pegua reta re, echa oecha retata oyavɨ reta yepe yogüɨraja yave oiporu yemborɨ Egipto pegua reta pe. Jayave chekuaa retata che ko jae peYa Tumpa vae.’ ”

NAHUM 3:9

Etiopía jare Egipto, kuae reta ko omborɨ avei vae; Fut pegua reta jare Libia pegua reta ko oñemoïru jae ndive vae.

SOFONÍAS 2:12

¡Pe Etiopía pegua reta vi, pemanota yandeYa ikɨsepuku pe!

1 Corintios 3:21

Jáeramo agüɨye kia toyemboete kuimbae reta re. Echa opaete mbaembae pembae ko: