ISAÍAS 20:2 - Biblia Guarani Tumpa Iñee

² Jókuae ara rupi yandeYa imiari ñeemombeúa Isaías, Amoz taɨ pe, jei chupe körai: “Emboi ndeyeugüi jókuae temimonde mbɨatɨtɨ pegua jare emboi vi ndepɨapaa.” Jökorai oyapo Isaías, jare oguata ipɨgüɨrai jare omboi jókuae jemimonde mbɨatɨtɨ pegua.

ISAÍAS 20:2 ပူးပေါင်းရင်းမြစ်များ

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

2 SAMUEL 6:20

Jare David ojo ye vi jo kotɨ oyerure vaerä jo pegua reta re, ërei jembireko Mical, Saúl tayɨ oë oövaiti jei reve chupe: —¡Ikavi yae oyekuaa Israel juvicha guasu, opɨrae ramboeve imborɨa reta jembiokuai kuña reta jovake, oipotagüe kia nunga vae oyapo rami reyapo!

2 REYES 1:8

Jare jae reta jei chupe: —Metei kuimbae jemimonde camello jaagüe pegua, jare ikuakuaa guasupi pegua vae. Jayave mburuvicha guasu jei: —¡Elías Tisbe pegua ko!

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

ÉXODO 3:5

Jare jei chupe: —Agüɨye eya kuae kotɨ; eekɨ ndepɨapaa ndepɨ güi, echa kuae ɨvɨ reï pɨpe vae, ɨvɨ oñeñono tee vae ko.

ISAÍAS 1:1

Isaías, Amoz taɨ oechagüe; jae oecha Judá jare Jerusalén regua, Uzías iara pe, Jotam iara pe, Acaz iara pe jare Ezequías, jae ko mburuvicha guasu reta Judá pegua.

ISAÍAS 13:1

Isaías, Amoz taɨ oecha Babilonia maratuta vae regua vae, jae kuae:

ISAÍAS 37:2

Javoi omondo Eliaquim, mburuvicha guasu imbaembae iyangarekoa, jare Sebna, jae ko ombaekuatía vae jare sacerdote okuakuaa ma vae reta, ñeemombeúa Isaías, Amoz taɨ pɨri; oyemonde yogüɨraja reta temimonde mbɨatɨtɨ pegua pe.

JEREMÍAS 48:37

Opaetei ia jare jendɨvaa oñapi reta; opaete oyembopere ipo reta rupi, jare oyemonde reta temimonde mbɨatɨtɨ pegua pe.

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

EZEQUIEL 24:23

Ngaraa peäka-güɨrai ani pepɨgüɨrai. Ngaraa peäpiro ani peyaeo. Pekañɨteita ikavimbae peyapo jeko pegua, pepɨatɨtɨ yaeta oyoe.

EZEQUIEL 4:1

Nde kuimbae, eipɨɨ metei adobe eñono nderóvai, jare eyapo jese tëta guasu Jerusalén iä.

EZEQUIEL 4:5

jae ko tresciento noventa ara; metei ara vae jae ko metei año Israel pegua reta jeko re. Jökorai rerajata Israel iñemuña reta jeko ikavimbae;

MIQUEAS 1:11

¡Tëta Safir pegua reta, peota peɨvɨ güi penandi reve jare pemara reve! ¡Tëta Zaanán pegua mbaetɨta ñogüɨnoe! ¡Tëta Bet-esel ipɨatɨtɨ jeko pegua mbaetɨta pemborɨ!

MIQUEAS 1:8

Kuae re chepɨatɨtɨta jare cheräseta ayaeo, chepɨgüɨraita jare chenandita aguata; cheräse pukuta aiko aguarayaɨmba rami, jare yandu oya ramo vae jäse rami.

ZACARÍAS 13:4

Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 3:4

Juan jemimonde mɨmba camello jaagüe pegua ko, jare ikuakuaa guasupi pegua ko. Jare jembíu ko jae tuku jare ei ñana rupigua.

San Juan 21:7

Jayave jókuae temimboe Jesús oaɨu vae jei Pedro pe: —¡YandeYa yepe! Simón Pedro oendu iYa ko vae yave, oyemonde jare oa ɨ pe. Echa omboi yepe jemimonde.

Hechos 19:16

Jare jókuae kuimbae aña oya jese vae oporepeña jese reta, jare jëia yae chugüi reta opa omoamɨri. Jare opa ombotekuarai reta jókuae o güi inandi jare ipere reve.

Hechos 21:11

Jae ou ore roïa pe yave, oekɨ Pablo ikuakuaa. Javoi oyepokua ipɨ rupi jare ipo rupi jare jei: —Espíritu Santo jei: “Köraita Jerusalén pe judío reta oipokua kuae kuakuaa iya, jare omboeterenga retata judiombae vae reta pe.”

JOSUÉ 5:15

Jare yandeYa isundaro reta Juvicha jei Josué pe: —Eekɨ ndepɨapaa ndepɨ güi, echa kuae reïa Tumpa pe oñeñono tee vae ko. Jare Josué jökorai oyapo.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

1 SAMUEL 19:24

Jare omboi jemimonde jare omboɨpɨ omombeu Tumpa iñee, ïru reta rami Samuel jóvai, opaete jókuae ara jare jókuae pɨ̈tu, joko güi oë kuae ñee “¿Saúl vi yera ñeemombeúa?”