ISAÍAS 20:1 - Biblia Guarani Tumpa Iñee

¹ Metei ara Sargón mburuvicha guasu Asiria pegua ombou metei mburuvicha Tartán jee vae, tëta guasu Asdod jee vae pe; ou oñemopüa jókuae tëta re jare opɨ̈ro.

ISAÍAS 20:1 ပူးပေါင်းရင်းမြစ်များ

2 REYES 18:17

Ërei jeseve mburuvicha guasu Asiria pegua ombou mburuvicha guasu Ezequías kotɨ Tartán, Rabsaris, Rabsaces, jetagüe sundaro ndive Laquis güi Jerusalén kotɨ, oïraro reta vaerä. Yogüeru oyembojeyupa ɨ rape ɨrɨru iyɨ́vɨri ɨvategua pe, tape ojo Mbaeputuka renda rupía pe.

2 CRÓNICAS 26:6

Jare oë oñeraro filisteo reta ndive jare ombosururu Gat ikësea, Jabnia jare Asdod ikësea, jare omopüa tëta guasu reta ɨvɨ Asdod pe, filisteo reta iɨvɨ pe.

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

JEREMÍAS 25:20

jare opaete joko pe yogüɨreko ïru tëtaguasu pegua reta vae, jare opaete mburuvicha guasu reta ɨvɨ Uz pegua reta jare filisteo reta iɨvɨ pegua: Ascalón, Gaza, Ecrón jare Asdod güi jembɨregüe reta;

AMÓS 1:8

Opata amokañɨtei tëta Asdod pegua reta jare mburuvicha reta Ascalón pegua. ¡Aitɨta vi chepo Ecrón pegua reta re; opaeteita filisteo reta jembɨregüe ave omano!” Jei yandeYa.

JOSUÉ 11:22

Metei ave Anac iñemuña reta mbaetɨ opɨta Israel iñemuña reta iɨvɨ pe; jaeño opɨta reta Gaza pe, Gat pe jare Asdod pe.

1 SAMUEL 5:1

Filisteo reta opɨ̈ro Tumpa ikäjou yave, güɨraja reta Eben-ezer güi Asdod pe,

1 SAMUEL 6:17

Jókuae pandepo mbaerasɨ pɨ̈chɨi ñakɨ̈ta vae iä oro pegua filisteo reta omondo yandeYa pe iyoa oyemboai vaerä vae; jae ko tëta Asdod re, Gaza re, Ascalón re, Gat jare Ecrón iyoa re.