ISAÍAS 2:9 - Biblia Guarani Tumpa Iñee

⁹ Kuimbae oyetavatɨka itindɨ reve ombaemboete, oñemomichi reta tumpa-raanga reta kotɨ. ¡Agüɨye neɨ̈ro chupe reta!

ISAÍAS 2:9 ပူးပေါင်းရင်းမြစ်များ

NEHEMÍAS 4:5

Agüɨye neɨ̈ro chupe reta ikavimbae oyapo reta vae re, agüɨye emboai iyoa reta nderóvai güi, echa iñee jasɨ katu reta omopüa ñogüɨnoi tëta guasu ikësea vae reta kotɨ.”

SALMOS 49:2

iyemboetea vae reta jare iyemboeteambae reta, oikokatu vae reta jare paravete vae reta.

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 5:15

Jare opaete kuimbae reta oñemomichiukata; jare ipɨayemboete vae reta iñäkatindɨta opɨta.

ISAÍAS 5:16

YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

ISAÍAS 57:9

Reo tumpa-raanga kotɨ, reraja reve asaite jare jeta ikäti kavi vae; remondo mombɨrɨ ñee jerajaa reta nderekovia pe, remondo ɨvɨ kotɨ omanogüe reta ñogüɨnoia pe.

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

San Marcos 3:29

Ërei Tumpa ngaraa etei iñɨ̈ro jei ikavimbae yae Espíritu Santo kotɨ vae pe. Oyemboekota jekuae avei pegua.

Romanos 3:23

Echa opaete vae iyoa vae reta ko, mombɨrɨ ko ñogüɨnoi Tumpa iyemboetea güi.

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Colosenses 2:23

Añete ko, kuae nunga mborookuai reta arakuaa peguaecha. Echa omboete raanga Tumpa, jare oñemomichiraanga, jare täta oiporarauka jete pe. Ërei kuaekuae rupi ipuereä etei oyopia reta soo jemimbota reta.

JOSUÉ 24:19

Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.