ISAÍAS 2:6 - Biblia Guarani Tumpa Iñee

⁶ CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

ISAÍAS 2:6 ပူးပေါင်းရင်းမြစ်များ

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 24:20

Jayave Tumpa iEspíritu ou Zacarías re, sacerdote Joiada taɨ re jare ojo oñeñono ɨvatea pe jare jei opaete vae pe: “Tumpa jei: ‘¿Maera pa pe reta mbaetɨ peyapo cheporookuai reta? ¿Maera pa pe reta aeño peeka peyeupe ikavimbae? ¡Pe reta chereeya jeko pegua che poeyata vi!’ ”

NEHEMÍAS 13:23

Aecha vi jókuae ara rupi, kërai Judaɨgua reta omenda kuña Asdod pegua reta ndive, Amón jare Moab iñemuña pegua reta ndive;

SALMOS 106:35

Ërei oyea reta tëtaguasu reta ndive, jare omomoe reta jeko reta:

ÉXODO 22:18

Kuña imbaekuaa vae agüɨye pemaeño toikove.

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

PROVERBIOS 6:1

Cheraɨ, ndevɨa-ïru remborɨ ipía vaerä yave, ani reikuaambae re reñemoë ipía vaerä yave,

ISAÍAS 14:29

Agüɨye eyerovia tëtaguasu Filistea, jókuae oiporarauka yepi ndeve vae iporookuai opa chugüi jeko pegua, echa moichɨ güi oëta moitini, ani mboi oveve vae.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 10:2

Jei körai: “Agüɨye pemomoe ïru tëtaguasu reta jeko, agüɨye pekɨɨye mɨakañɨ reta ara re oyekuaa vae güi, yepe tëi tëtaguasu reta okɨɨye chugüi.

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

LAMENTACIONES 5:20

¿Maera pa neakañɨ etei oregüi? ¿Maera pa ɨma yae orereeya?

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

MIQUEAS 5:11

opata vi amboai peɨvɨ pegua tëta guasu reta jare opaete peɨvɨ ikësea reta amboaita;

MIQUEAS 5:12

jökoraiño vi opata amboai pegüi imbaekuaa vae reta jare ngaraa ma oime pepɨte rupi mbaekuaa rupi mbae oecha vae reta;

SOFONÍAS 1:8

YandeYa jei: “Jókuae ara cheporoyuka ou oväe yave, aiporaraukata mburuvicha reta pe, mburuvicha guasu taɨ reta pe, jare temimonde ketɨgua omonde vae reta pe.

NÚMEROS 23:7

Jare jae jei ombojaanga reve mbae oasata vae, körai: “Aram güi chereru Balac, Moab pegua mburuvicha guasu, ɨvɨtɨ reta kuaraɨ oëa kotɨ ñogüɨnoia güi: ‘Eyu eyepopeyu cheve Jacob iñemuña reta re. Ere ñee ikavimbae Israel iñemuña reta kotɨ cheve.’

Romanos 11:20

Añete ko. Mbaetɨ oporogüɨrovia reta ramo ko, oyeekɨuka. Ërei nde reï joko pe, rerovia jeko, jáeramo agüɨye peyembotuicha. Peipoɨuño.

1 SAMUEL 6:2

Jayave filisteo reta oenɨi sacerdote reta jare maratuta vae imombeúa reta, oparandu chupe reta: —¿Mbae pa royapota Tumpa ikäjou pe? Pemombeu oreve këraita pa romondo ye jenda pe vae.