ISAÍAS 2:3 - Biblia Guarani Tumpa Iñee

³ jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 2:3 ပူးပေါင်းရင်းမြစ်များ

ESTER 9:27

Judáɨgua reta ombojee oyapo avei vaerä iyeupe, jare iñemuña reta, jare opaete oyeapota Judaɨguarä vae reta pe: Oasambae reve mókoi ara omboareteta año ñavo;

SALMOS 102:23

Jae chepɨ̈rata ombopɨtu chegüi; mbaetɨ omaeño aiko puku.

SALMOS 110:2

Sión güi yandeYa ombouta ndeve popoka mborookuai pegua; ¡enoi mbaepuere nderovaicho reta re!

SALMOS 119:171

Tamee mbaemboete ndeve cheñee rupi, echa nde chemboe ndeporookuai reta re.

SALMOS 122:1

¡Che ayerovia ko, jei reta yave cheve: “Yaja, yandeYa jo pe”!

SALMOS 48:1

¡YandeYa ko tuichagüe yae! ¡Jupi ko oyemboete yae vaerä jëta guasu pe, iɨvɨtɨ oñeñono teea pe!

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 19:23

Jókuae ara oimeta tape tuicha vae ojo Egipto güi Asiria kotɨ vae. Asiriaɨgua reta yogüɨrajata oväe Egipto pe jare Egiptoɨgua reta Asiria pe; jare jae reta omboete päveta yandeYa.

ISAÍAS 28:9

Iñeeasɨ katu reta chekotɨ, jei reta: “¿Oremboeta pa arakuaa re, oremboeta pa mbae ko Tumpa jei vae re, michia raɨ reta rami;

ISAÍAS 44:5

Jayave amogüe jeita: ‘Che ko YandeYa imbae’, amogüe oñeenɨita Jacob iñemuña jee pe, amogüe oikuatiata ipo re: ‘YandeYa imbae ko che’, jare omoïruta Israel iñemuña reta jee pe jee ae.”

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 26:18

“Miqueas, Moreset pegua omoërakua Tumpa iñee, Ezequías oiko mburuvicha guasurä Judá pe yave, imiari opaete Judá pegua reta pe, jei: ‘Körai jei yandeYa Imbaepuere yae ete vae: Sión opɨtata, metei ko pe ɨvɨ opa oyemongúi vae rami, Jerusalén opɨtata jendagüeño, jare ɨvɨtɨ tupao jendagüe pe okuakuaata ɨvɨra.’

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 4:22

Pe reta pembaemboete yave, mbaetɨ peikuaa kia ko pemboete vae. Ore rombaemboete yave, roikuaa kavi ko kia romboete vae. Echa ore judío reta rupi Tumpa oporomboasata.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Romanos 10:18

Ërei taparandu: ¿Oenduä etei ra? ¡Oendu reta tëi ko! Echa Tumpa Iñee pe oyekuatía oï körai: “Opaete rupi ojo iñee reta, opaete ɨvɨ iyapɨ rupi ojo oväe iñee reta.”

DEUTERONOMIO 33:19

Ɨvɨtɨ guasu re omboatɨ retata tëta guasu reta, jare joko pe omee retata mɨmba oyeyukagüe jupi vae; oyekou retata mbaeyekou ɨguasu pegua re, jare mbaeyekou ɨvɨkuitï pe oñeotɨ oï vae re.”

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

Santiago 1:25

Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.