ISAÍAS 2:22 - Biblia Guarani Tumpa Iñee

²² Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 2:22 ပူးပေါင်းရင်းမြစ်များ

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

GÉNESIS 7:22

Opaete ipɨ̈túe re oikove vae, opaete ɨvɨ ipo omano.

JOB 27:3

jae omee ramboeve cheve aikove aiko vaerä,

SALMOS 146:3

Agüɨye peyeko mburuvicha reta re, ani oipotagüe kuimbae re, ngaraa ko ipuere oporogüɨroasayepe.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

SALMOS 8:4

jae: “¿Mbae pa ko kuimbae, reyemongeta vaerä jese? ¿Mbae pa ko kuimbae reyemoambeko vaerä jese?”

ISAÍAS 40:15

Chupegua, tëtaguasu reta, ɨ otɨkɨ jɨru güi vae ramiño ko, ɨvɨkúi michi yae vae mbaejäaka pe oï rami, ɨvɨkúi ramiño omboaita tëta reta ɨguasu ipäu rupigua reta.

ISAÍAS 40:17

Chupeguarä mbaeä etei ko opaete tëtaguasu reta, mbaeä etei ko omae jese reta.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

Santiago 4:14

Ërei pe reta mbaetɨ peikuaa këraita ra peï pɨareve vae. ¿Peikoveñota ra pɨareve pe? Echa perekove ɨ̈vɨti ramiño ko. Oyekuaa michi peguaño jare okañɨ ɨmambae.