ISAÍAS 2:21 - Biblia Guarani Tumpa Iñee

²¹ jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 2:21 ပူးပေါင်းရင်းမြစ်များ

2 SAMUEL 22:46

Ketɨgua reta ipɨtuta, jare ñogüɨnoe retata iñemika güi.

JOB 30:6

Yogüɨreko reta ɨ̈aka iñɨ̈vɨa rupi, ɨvɨkua rupi jare itakua rupi.

JOB 9:6

Jae ko ɨvɨ omokana, jare omokana ɨvɨ iguapɨka reta.

ÉXODO 33:22

Cheyemboetea oasa yave, che roñonota ɨ̈vavira ipäu pe, jare nderesa añomita chepo pe che aasa regua.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

ISAÍAS 2:10

Opaete vae reta peñemi ɨ̈vavira ipäu rupi, peñemi ɨvɨkúi igüɨ rupi, yandeYa kɨɨyea yae vae güi, iyemboetea tuicha yae vae güi.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 7:19

Jare yogüeru retata oñeñono jugua ñavo rupi, itakua reta rupi, opaete ñana pɨte yuu katuai vae rupi, jare opaete kaa rupi.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”