ISAÍAS 2:19 - Biblia Guarani Tumpa Iñee

¹⁹ YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 2:19 ပူးပေါင်းရင်းမြစ်များ

2 SAMUEL 22:46

Ketɨgua reta ipɨtuta, jare ñogüɨnoe retata iñemika güi.

JOB 9:6

Jae ko ɨvɨ omokana, jare omokana ɨvɨ iguapɨka reta.

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 2:10

Opaete vae reta peñemi ɨ̈vavira ipäu rupi, peñemi ɨvɨkúi igüɨ rupi, yandeYa kɨɨyea yae vae güi, iyemboetea tuicha yae vae güi.

ISAÍAS 2:21

jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 24:1

Mase, yandeYa opata oikuavo kuae ɨvɨ, opaeteita omboai jare güɨrokomegua, jare opata omoai moai pɨpegua reta.

ISAÍAS 24:18

Ojoyepe tëigüe, oata ɨvɨkua pe, jare ɨvɨkua güi oë tëi vae oata ñuai pe. Ama tuicha yaeta oa ara güi, okanata ɨvɨ iguapɨka reta.

ISAÍAS 24:19

Ɨvɨ okanata täta yae, opaeteita oyemboai, okanata jare opaeteita jaɨ jaɨ.

ISAÍAS 30:32

jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 7:19

Jare yogüeru retata oñeñono jugua ñavo rupi, itakua reta rupi, opaete ñana pɨte yuu katuai vae rupi, jare opaete kaa rupi.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 4:29

Sundaro kavayu regua reta jare uvɨ regua reta oyeendu yave, opa otekuarai tëta guasu pegua reta; oñemi reta kaa tëɨ vae rupi jare oyeupi reta ɨ̈vavira re. Tëta guasu reta opɨta ipombae, mbaetɨ kia ave opɨta pɨpe.

JEREMÍAS 48:28

Moab pegua reta, peeya tëta guasu reta; pekua ɨ̈vavira kotɨ, jare joko pe peiko, pɨkasu oyembojaitɨ ɨ̈vavira ipäu vae rupi rami.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

MIQUEAS 7:17

¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!

NAHUM 3:11

Nde vi reikota osavaɨpo yae vae rami; jare reyeokendaukata; nde vi reekata ñepɨ̈roka, reñepɨ̈ro vaerä nderovaicho reta güi.

HAGEO 2:6

YandeYa Imbaepuere yae ete vae jei körai: Kuae güire mbovɨ ara rupi, che amokanata ara jare ɨvɨ ɨguasu jare ɨvɨ otini vae.

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

San Lucas 23:30

Jayave omboɨpɨta jei ɨvɨtɨ guasu reta pe vae: “¡Pesururu oreré! ¡Oreasoi!”

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

Hebreos 11:38

opaete kuae reta, mbaetɨ jaekavi yogüɨreko vaerä ɨvɨ pe, oguata yogüɨreko ñuu rupi, ɨvɨtu guasu reta rupi, ɨvɨkua tuicha vae reta rupi, itakua reta rupi.

Hebreos 12:26

Jókuae ara Tumpa iñee omokana ɨvɨ. Ërei añave jei körai: “Mbaetɨta amokana ye ɨvɨño, ara vi amokanata.”

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 16:18

Jayave ama-vera reta, ñee reta, ararɨapu reta jare ɨvɨkana tätagüe; ɨvɨkana tuicha yae vae, mbaetɨi oyeapo jókuae nunga ɨvɨ pegua reta yogüɨreko güive.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 9:6

Jare jókuae ara reta rupi ɨvɨ pegua reta oipota tëita omano. Ërei ngaraa ipuere. Ikɨ̈reɨ yae tëita omano, ërei mano otekuaraita chugüi reta.

1 SAMUEL 13:6

Jare Israel iñemuña reta oecha opaetei oñeova ñogüɨnoi yave, oñemi reta ɨ̈aka-soro rupi, ɨvɨkua rupi, ɨ̈vavira rupi, ita guasu ipäu rupi, ɨrɨru rupi.

1 SAMUEL 14:11

Jare jökorai mókoi reve oyeechauka filisteo reta pe. Jare jae reta oecha yave jei: “Mase, pemae hebreo reta oë ɨvɨkua reta güi, oñemi retaa güi.”