ISAÍAS 19:3 - Biblia Guarani Tumpa Iñee

³ Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 19:3 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

SALMOS 107:27

Orɨrɨi jare jesagüɨrɨ reta osavaɨpogüe rami, ¡ipoki ave mbaetɨ omborɨ reta!

SALMOS 33:10

YandeYa güɨrokomegua tëtaguasu reta oyemongeta tëi oyapo vaerä vae, güɨrokomegua tëta reta iyemongeta,

SALMOS 76:12

Jae oekɨ mburuvicha reta jekove, kɨɨyea yae ko jae, mburuvicha guasu reta ɨvɨ pegua pe.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 14:27

Echa yandeYa Imbaepuere yae ete vae oyemongeta vae, mbaetɨ ko kia ipuere oyopia chugüi, jekuaeñoi iyarasɨ oï, ¿kia pa ipuere oyopia chugüi?

ISAÍAS 15:2

Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 47:12

Epɨta jókuae mbɨrae reta ndive, jókuae mbaekuaa reta ndive, ndetaɨrusu güive remomora vae, yaecha ikavi ndeve, yaecha ra ndemborɨ.

ISAÍAS 57:16

Echa ngaraa amboeko avei chembae vae reta, ngaraa vi chearasɨ avei aiko; echa jökorai yave cherembiapo reta ipɨtuta cheróvai.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 46:15

¿Maera pa oa toro iä pemboete vae? Mbaetɨ ipuere oyemboɨ, echa che, peYa ko aitɨ.

EZEQUIEL 21:7

Jae reta jei yave ndeve: ¿Maera pa reyaeo? Nde ere chupe reta: Oime mbae jërakua; jare jókuae oyeapota yave, opaete vae ipɨatɨtɨta, mbaetɨ etei kia ipuereta mbae oyapo, orɨrɨita okɨɨye güi. Ko ma ou jare oyeapota, che ndeYa Tumpa jae.”

EZEQUIEL 22:14

Agüɨye eyemongeta ndepuereta reyemboɨ cheróvai rojäa yave. Che peYa jae jare ayapota kuae:

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

DANIEL 2:2

Jayave mburuvicha guasu omondo oenɨiuka ichoropa vae reta, yasɨ pɨau re jare yasɨtata re güɨrovia vae reta jare mbae oasata vae oikuaa vae reta, jae ko Caldeaɨgua iyarakuaa vae reta, oikuaauka vaerä chupe ipaɨu regua. Jayave yogüeru mburuvicha guasu jóvai.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

1 SAMUEL 25:37

Ërei pɨareve ndeimbove pe, Nabal mbaetɨ ma osavaɨpo yave, Abigail imiari kavi chupe mbae ko oasa vae re, jayave Nabal omano tëi jare jete jëogüe opɨta.