ISAÍAS 19:25 - Biblia Guarani Tumpa Iñee

²⁵ Echa yandeYa Imbaepuere yae ete vae iporerekuata jese reta jei reve: “Cheporerekua Egipto tëta chembae re, Asiria cherembiapo re, Israel tëta chembae aeño vae re.”

ISAÍAS 19:25 ပူးပေါင်းရင်းမြစ်များ

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 115:15

¡YandeYa ara jare ɨvɨ iyapoa, tiporerekua peré!

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

ISAÍAS 19:24

Jókuae ara rupi tëtaguasu Israel oïta vi Egipto jare Asiria ndive; jare Israel rupi oimeta mborerekua opaete ɨvɨ pegua reta pe.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 29:23

echa taɨ reta oecha yave cherembiapo jae reta ipɨte pe, chemboete retata che Iyoambae ko, Jacob iñemuña reta ipɨte pe, jare oipoɨu retata chegüi, che jae ko Israel iTumpa.

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 2:7

Che ko pogüeru kuae ɨvɨ kavi pe, mbaagüɨye reta peu vaerä chugüi jare mbaembae ia ikavi vae. Ërei peike jare perokomegua kuae cheɨvɨ, pemongɨa jare chemboyuguaruuka kuae ɨvɨ chembae güi.

OSEAS 2:23

Añonota cheyeupe chembae reta jókuae ɨvɨ pe chembaeräño; anoita mboroparareko Lo-ruhama re; jaeta Lo-ammi pe: ‘Nde ko jae tëta chembae’, jare jae jeita: ‘¡CheTumpa ko nde!’ ”

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

NÚMEROS 24:1

Jare Balaam oecha yandeYa pe jae kaviño jei vaerä ñee kavi Israel iñemuña reta kotɨ yave, mbaetɨ oyapo tenonde yave jare mokoía pe ojo oeka mbae ra Tumpa jeita vae rami; omae ñuu kotɨ;

NÚMEROS 6:24

‘YandeYa tiporerekua nderé jare taneñovatu.

NÚMEROS 6:27

Körai toenɨi reta cheree Israel iñemuña reta re, jare cheporerekuata jese reta.”

Romanos 3:29

Tumpa jae vi ko judiombae reta iTumpa; mbaetɨ ko judío reta peguaño.

Gálatas 6:15

Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

DEUTERONOMIO 32:9

echa imbae ko kuae tëta, jae ko Jacob iñemuña reta.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

1 Pedro 2:10

Tenonde yave pe reta Tumpa imbae retaä ko, ërei añave peyeapo ma Tumpa imbae retarä; tenonde yave Tumpa mbaetɨ peparareko, ërei añave peparareko.