ISAÍAS 19:20 - Biblia Guarani Tumpa Iñee

²⁰ Jókuae oïta ikañɨmaa vaerä jare oporomomaendúa vaerä yandeYa Imbaepuere yae ete vae re, ɨvɨ Egipto pe. Osapúkai reta yandeYa pe oiporarauka chupe reta vae jeko pegua yave, jae ombouta metei mburuvicha oporoepɨ vae chupe reta, oepɨ vaerä jare oyora vaerä.

ISAÍAS 19:20 ပူးပေါင်းရင်းမြစ်များ

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

ÉXODO 2:23

Kuae jaɨkue rupi, ɨma ma oasa yave, mburuvicha guasu Egipto pegua omano. Israel iñemuña reta jeieteño güɨroäse yeokuaiasɨ katu, jare ipɨatɨtɨ reve oyerure reta Tumpa pe; jare jae oendu jae reta iyerure yeokuaiasɨ katu jeko pegua.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ISAÍAS 19:4

Ameeta Egipto, metei mburuvicha imbaeyuvanga yae vae pe, mburuvicha guasu ipïrimbae vae oñeñonota juvicharä.” Jökorai jei yandeYa Imbaepuere yae ete vae.

ISAÍAS 20:4

Jökoraita ko mburuvicha guasu Asiria pegua opa güɨraja tembipɨɨrä Egipto pegua reta jare Etiopía pegua reta, taɨrusu vae jare ndechi, ipɨgüɨraita jare inandita, jevi oyekuaañota, imara reta vaerä.

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

ISAÍAS 52:5

Añave, ¿mbae ra ayapota? Opa güɨraja reta tëta chembae vae, jupimbae reve. Jókuae jerajaa reta oiporarauka avei chupe reta, omoäse avei reta. Cheangao avei reta.

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

JOSUÉ 22:34

Rubén jare Gad iñemuña reta ombojee jókuae mɨmba oyeyuka oyeapɨ jese vae iä Ed, echa jei reta: “Kuae mɨmba oyeyuka oyeapɨ jese vae toiko yandeve yandemomaendúa vaerä yandeYa jae ko Tumpa vae.”