ISAÍAS 18:7 - Biblia Guarani Tumpa Iñee

⁷ Jókuae ara, kuimbae ipuku jare jundaiasɨ vae reta, ikɨɨyea yae avei reta opaete ketɨ rupi vae, imbaepuere yae jare oporomoamɨri avei vae reta, iɨvɨ rupi ɨ̈aka katuai vae reta, güeru retata mbota yandeYa Imbaepuere yae ete vae pe. Güeru retata ɨvɨtɨ Sión pe, yandeYa Imbaepuere yae ete vae jee oñeenɨia pe.

ISAÍAS 18:7 ပူးပေါင်းရင်းမြစ်များ

2 CRÓNICAS 32:23

Jare jeta güeru reta Jerusalén pe mbota yandeYa pe vae, jare vi mbota jepɨ vae Ezequías mburuvicha guasu Judá pegua pe. Jókuae güire Ezequías jërakua yae opaete ïru tëtaguasu rupi.

SALMOS 68:32

Mborookuaía reta ɨvɨ pegua, ¡petairari Tumpa pe, petairari yandeYa pe!

ISAÍAS 16:1

Mburuvicha reta tëta Sela ñuu pe ñogüɨnoi vae, pemee vecha kuimbae taɨrusu vae ɨvɨtɨ Sión pegua reta pe.

ISAÍAS 18:2

omondo ñee jerajaa reta ɨguasu rupi vae, ɨ̈aka rupi kanoa käipepe pegua pe vae! Pekua, ñee jerajaa iñäkua vae reta, kuimbae ñaguanau ipuku vae reta pɨri, ikɨɨyea yae avei reta opaete ketɨ rupi vae, imbaepuere yae jare oporomoamɨri avei vae reta, iɨvɨ rupi ɨ̈aka katuai vae reta.

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

HABACUC 1:7

Kɨɨyea yae vae reta ko jare yavaetegüe, jae reta mborookuai oyapo vaeño ombotenonde.

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.