ISAÍAS 18:1 - Biblia Guarani Tumpa Iñee

¹ ¡Paravete, ɨvɨ ñatíu ipepo jɨapu oyeendu pɨpe vae, jókuae ɨvɨ oï Etiopía iɨ̈aka güi kutɨ ye vae,

ISAÍAS 18:1 ပူးပေါင်းရင်းမြစ်များ

2 REYES 19:9

Joko pe mburuvicha guasu Asiria pegua oendu Tirhaca mburuvicha guasu Etiopía pegua ou oporepeña jese vae. Jare omondo ye jekovia pe kuimbae reta imiari vaerä Ezequías pe, jei reve:

SALMOS 17:8

Eyangareko cheré, neresäɨkunumi re reyangareko rami; cheñomi ndepepo reta igüɨ pe rami,

SALMOS 36:7

¡CheRu Tumpa, ikavi yae ko ndeporoparareko! ¡Jáeramo, kuimbae reta oeka oñepɨ̈ro vaerä ndepepo igüɨ pe rami!

SALMOS 57:1

CheRu Tumpa, cheparareko, cheparareko, echa nderé ayeko. Ndepepo igüɨ pe añepɨ̈rota oasa regua mbaesusere reta.

SALMOS 61:4

Che taiko ndero guakapi pegua pe jekuae avei pegua, tañemi kavi taiko ndepepo igüɨ pe.

SALMOS 63:7

Echa nde ko jae chemborɨ vae. ¡Ndepepo igüɨ pe ayerovia katuta!

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 37:9

Joko pe mburuvicha guasu Asiria pegua oendu Tirhaca, mburuvicha guasu Etiopía pegua ou oporepeña jese vae. Jare jekuae omondo ye jekovia pe imiari vae reta, jei vaerä mburuvicha guasu Ezequías pe:

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

EZEQUIEL 30:9

Jókuae ara amondota ñee jerajaa reta barco reta pe Etiopía pegua reta pe, jókuae oyemoambekombae ñogüɨnoi vae pe, jare jae reta okɨɨye yaeta Egipto pegua reta okɨɨye rami. Jókuae ara outa ete ma oväe.

SOFONÍAS 2:12

¡Pe Etiopía pegua reta vi, pemanota yandeYa ikɨsepuku pe!

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!