ISAÍAS 17:8 - Biblia Guarani Tumpa Iñee

⁸ Ngaraa ye ma omae mɨmba oyeyuka oyeapɨ jese vae reta oyapo iyeupe reta vae re. Ngaraa ye ma omae jembiapo reta re, ngaraa ye ma omae Asera iä reta re, ngaraa ye ma omae kuaraɨ iä reta re.

ISAÍAS 17:8 ပူးပေါင်းရင်းမြစ်များ

2 SAMUEL 22:42

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

2 CRÓNICAS 14:5

Omboai vi opaete tëta guasu reta Judá pegua güi mbaemboete renda ɨvɨtɨ rupigua reta, tumpa-raanga iä reta. Jare oime mbɨakatu oiko ramboeve mburuvicha guasurä.

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

2 CRÓNICAS 34:4

jare opa oyemboai jae jóvai opaete mɨmba oyeyuka oyeapɨ jese Baal pe vae reta. Opa vi oyokauka kuaraɨ iä reta mɨmba oyeyuka oyeapɨ jese vae güi ɨvate oï jare Asera iä reta jare mbae iä reta oyemondɨkui oyeapo vae; opa omongúi, jare opa omoai jókuae mɨmba oyuka omee chupe vae reta jɨvɨa re.

ÉXODO 34:13

Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

ISAÍAS 1:29

Jayave pemarata ɨvɨra encina jee vae reta güi jare ko raɨ reta güi, jókuae pemomora yae igüɨ rupi pemboete tumpa-raanga reta vae.

ISAÍAS 10:20

Jókuae ara rupi, Israel pegua reta oasayepegüe, Jacob iñemuña pegua reta oasayepegüe, ngaraa ye ma oyeko reta imoamɨría re, ërei ngatu oyeko retata añetete pegua yandeYa re, Iyoambae Israel pegua re.

ISAÍAS 17:9

Jókuae ara, jëta guasu oñekëse kavi yae vae reta opata opɨta, heveo reta jare amorreo reta jëta reta opa oyeeya rami, Israel iñemuña reta güi okɨɨye jeko pegua ipombae opɨtata,

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

ISAÍAS 44:15

Javoi joko güi güɨraja kuimbae reta iyepearä, güɨraja jaɨgüe oyepee pɨpe vaerä; amogüe güɨraja ihorno oatapɨ vaerä, omboyɨ vaerä mbɨyape; güɨraja vi oyapo vaerä itumparä, javoi oyetavatɨka reta omboete.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

SOFONÍAS 1:3

Amokañɨteita kuimbae reta, mɨmba reta, güɨra reta, pira reta, ngaraa amaeño iyoa vae re; amokañɨteita kuimbae reta ɨvɨ iárambo güi.” YandeYa jei körai:

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.