ISAÍAS 17:3 - Biblia Guarani Tumpa Iñee

³ Efraín mbaetɨta ma güɨnoi tëta guasu oñekëse kavi vae, jökorai vi Damasco; Siria pegua jembɨregüe reta, Israel pegua reta ramiñota vi. Jökorai jei yandeYa Imbaepuere yae ete vae.

ISAÍAS 17:3 ပူးပေါင်းရင်းမြစ်များ

2 REYES 16:9

Jare mburuvicha guasu Asiria pegua ikɨ̈reɨ omborɨ vaerä; javoi oporepeña tëta Damasco re, omoamɨri jare güɨraja tembipɨɨrä joko pegua reta Kir kotɨ, jare oyuka Rezín.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

ISAÍAS 16:14

Ërei añave yandeYa jei: “Mboapɨ añoa rupi, jókuae ara ñavo oyemboepɨ iparavɨkɨ chupe vae oipapa ara reta vae ou oväe chupe rami, jökoraita ou opa okañɨtei Moab jërakua yae vae, yepe tëi jeta yaeta pɨpegua reta; jaeño jembɨreta mbovɨ mii, jare mbaetɨta imbaepuere reta.”

ISAÍAS 17:4

Jókuae ara Israel iyemboetea jagüeta, mbaetɨta ma ikɨra oiko.

ISAÍAS 25:2

Echa tëta guasu opa reeya jendagüeño, tëta guasu oñekëse kavi yae vae opɨta jendagüeño; tovaicho mburuvicha reta jo kavi opa remboai, jare ngaraa ye ma oñemopüa pɨau ye.

ISAÍAS 7:16

Echa michia raɨ ndei oikuaa güɨröɨro ikavimbae vae jare oiparavo ikavi vae mbove, mókoi mburuvicha guasu reta rekɨɨye chugüi vae reta iɨvɨ oyeeyata ipombae.

ISAÍAS 7:8

Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re. Jare mburuvicha guasu Rezín ko oï tëta guasu Damasco pe. Ërei sesenta y cinco año pe tëtaguasu Efraín mbaetɨta ma oiko.

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

OSEAS 10:14

pemoäsembaita ñeraro, jare opaete pekësea jëguambae oyemboaita, mburuvicha guasu Salmán omboai Bet-arbel ñeraro iara pe rami, michia reta ichɨ ndive oyakambɨ rami.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

OSEAS 8:8

¡Israel pegua reta, pekañɨteita aramoete pegua! Ïru tëtaguasu pegua reta mbaeä eteita omae peré,

OSEAS 9:11

Efraín iyemboetea ojota chugüi, güɨra oveve ojo rami. Mbaetɨta ma michia raɨ reta oa chupe, mbaetɨta ma kuña reta ipurúa, mbaetɨ yeta ma imichia reta.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”