ISAÍAS 17:14 - Biblia Guarani Tumpa Iñee

¹⁴ Kaaru yave yavaete tovaicho reta, ërei köe-pota yave mbaetɨ etei ma. Köraita ko oasa oyuvanga yanderé vae reta, jare opa mbaembae opɨ̈ro yandegüi vae reta.

ISAÍAS 17:14 ပူးပေါင်းရင်းမြစ်များ

2 REYES 19:3

jei reta vaerä chupe: Körai jei Ezequías: “Kuae ara ko jae mbɨatɨtɨ iara, mbaeporara iara jare yeangao iara; echa kuña imembɨrasɨ oï yave, opa jete jëogüe, jökorai ko roï.

2 REYES 19:35

Jókuae pɨ̈tu voi yandeYa iaraɨgua oë, jare oyuka Asiriaɨgua reta jeyupa pe ciento ochenta y cinco mil kuimbae; köe yave opüa reta yave, oecha reta opaete tëogüe yepeaiño ma.

JOB 20:29

Jae ko kuae Tumpa omokätɨro iyoa vae pe vae; chupeguarä jei kuaekuae.

SALMOS 37:36

Ërei opa oasa, jare mbaetɨ ma oiko, aeka tëi, ërei mbaetɨ ma aväe.

PROVERBIOS 22:23

echa yandeYa oepɨta jókuae reta, oiporaraukata, jókuae oiporarauka chupe vae reta pe.

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 21:12

Jare che jae: “Köeta ma, jare pɨ̈tu yeta vi. Pekɨ̈reɨ peparandu yave, peparandu; pekua peyu ye.”

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 29:7

Pɨ̈tu yave yapaɨu vae ramiñota oasa, opaete jókuae jeta tëtaguasu reta oñeraro Ariel ndive vae, opaete oñemopüa ikotɨ vae reta ndive ani oiporarauka chupe reta vae ndive.

ISAÍAS 30:28

ipɨ̈túe ko, ou oväe ɨ yave oyepɨyere rami, ɨ yandeayu rupi yanderé rami, outa opa omboai tëtaguasu reta mbae nunga jiero pegua pe, oñonota kayurupegua opaete vae reta iyuru pe, ombojopa vaerä.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 33:18

Nemaendúa kɨɨye rupi reikose vae re yave, rereta: “¿Mbaetɨ ma mbae jepɨgüe oipapase vae, mbaetɨ ma mbae jepɨgüe ojäa yepi vae, mbaetɨ ma oipapase yepi maeka ɨvate vae reta vae?”

ISAÍAS 34:17

Jae etei ko opa omboyao yao chupe reta jendarä, omee chupe reta kia pe yogüɨreko vaerä, joko pe yogüɨreko avei retata, jekuae avei rupi.

ISAÍAS 41:12

Reeka tëita nderovaicho reta, ërei ngaraa reväe chupe; opaeteita okañɨtei jókuae oñeraro ndekotɨ vae reta.

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

JEREMÍAS 49:10

Ërei che opaeteita aitɨvɨro Esaú jëta, aväeta iñemía reta, jare mbaetɨta ipuere oñemi. Iñemuña reta, jëtara reta jare jëta iyɨpɨ pegua reta, opaeteita okañɨtei; mbaetɨ eteita kia opɨta jei vaerä:

EZEQUIEL 39:10

Mbaetɨta oeka reta yepea ani güeru reta kaa güi, jaeño oapɨ retata tembiporu ñeraro pegua. Omaepɨ̈ro retata omaepɨ̈ro chugüi vae reta güi, ipogüɨrai oeya retata jökorai oporoapo vae reta. Che Tumpa jae kuae.

ZACARÍAS 2:12

Jare yandeYa güɨnoi yeta Judá imbae vae ɨvɨ oñeñono teea pe, jare tëta Jerusalén jekuae oiparavo yeta iyeupe.

JUECES 5:31

¡Jökorai tokañɨtei opaete nderovaicho reta cheYa Tumpa, jare nderaɨu vae reta tijembipeasɨ, kuaraɨ jembipeasɨ rami!” Jókuae jaɨkue rupi oiko mbɨakatu jókuae ɨvɨ pe cuarenta año.