ISAÍAS 17:10 - Biblia Guarani Tumpa Iñee

¹⁰ echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 17:10 ပူးပေါင်းရင်းမြစ်များ

1 CRÓNICAS 16:35

Pere chupe: ‘¡Orereepɨ oreYa Tumpa oporoepɨ vae! ¡Orerenoe jare orereepɨ tëtaguasu reta güi romee vaerä mbaemboete ndeve, royerovia reve romboete vaerä!

SALMOS 106:13

Ërei ɨmambae pegua ñakañɨ reta Tumpa oyapogüe güi, mbaetɨ oäro reta oikuaa vaerä jae iyemongeta.

SALMOS 106:21

Ñakañɨ reta jeroasayepea Tumpa güi, jókuae jeta mɨakañɨ tuichagüe oyapo Egipto pe vae güi,

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 31:2

Emboɨke ndeapɨsa eyeapɨsaka cheré; chereroasayepe jarembaeño. Ita guasu rami eï cheve, ñepɨ̈roa chereroasayepe vaerä.

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 79:9

CheRu Tumpa, orereroasayepe vae, nderee imboetea yae vae re oremborɨ; ¡orereepɨ jare neɨ̈ro oreve oreyoa re!

SALMOS 85:4

CheRu Tumpa, orereroasayepe vae, ¡oremopüa pɨau ye! ¡Ndearasɨ poi mo orekotɨ!

SALMOS 9:17

Jeko pɨ̈chɨi vae reta, opaete vae iñakañɨ Tumpa güi vae, oyererajaukata omanogüe reta ñogüɨnoia pe.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 17:9

Jókuae ara, jëta guasu oñekëse kavi yae vae reta opata opɨta, heveo reta jare amorreo reta jëta reta opa oyeeya rami, Israel iñemuña reta güi okɨɨye jeko pegua ipombae opɨtata,

ISAÍAS 18:5

Opa ma mbaepotɨ oasa yave, temitɨ ia yagüɨye ma yave, ërei ndei tenondegua mbaagüɨye oyepoo mbove, reitɨota temitɨ jäka reta kɨse raɨ pe, reyasɨata jare rembosɨrɨta.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 26:4

Peyeko avei yandeYa Tumpa re, echa jae ko ñepɨ̈roa opambae.

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 33:2

OreYa, oreparareko, ndereño ko royeko. Oremborɨ ndeimbove ñavo, jare eiko oreve orereroasayepe vaerä oime mbaesusere yave.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

JEREMÍAS 12:13

Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 8:14

Israel oyapo o reta ikavigüe, ërei ñakañɨ iYapoa Tumpa güi, Judá omopüa jeta tëta guasu reta jëguambae, ërei che opata amboai tata pe jókuae tëta guasu reta, jare mburuvicha guasu jo reta opata oyemboai.”

JOEL 1:17

Temitɨ jäɨ opa oikomegua ɨvɨgüɨ peño, avatío reta ipombae opɨta jare opa oyemboai, echa opa ipiru trigo.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

LEVÍTICO 26:20

Pepɨ̈rata reta opaiñota peiporu, echa peɨvɨ pe mbaetɨta mbaagüɨye, jare ɨvɨra reta mbaetɨta ia.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

SOFONÍAS 1:13

Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

DEUTERONOMIO 28:30

Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.

DEUTERONOMIO 8:14

javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;

DEUTERONOMIO 8:19

Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.