ISAÍAS 16:5 - Biblia Guarani Tumpa Iñee

⁵ David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 16:5 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

2 SAMUEL 5:9

David oñemoëta joko pe, jare ombojee David Jëta guasu; jare oyapo ikësearä opaete iyɨ́vɨri rupi, Milo güive japɨpe kotɨ.

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

1 REYES 10:9

¡Toyemboeteuka ndeYa Tumpa, ipɨakatu ndekotɨ neñono ramboeve mburuvicha guasurä Israel re vae! Echa ndeYa oaɨu avei ko Israel, ¡jáeramo neñono mburuvicha guasurä, reporookuai vaerä jupi rupi jare sɨmbi rupi!”

2 CRÓNICAS 31:20

Körai oyapo Ezequías opaete Judá pe. Oyapo jaekavi vae, jupi vae jare añete vae iYa Tumpa jóvai.

SALMOS 85:10

Mboroparareko jare añete vae oñoväe, mbɨakatu jare jupi vae oñoküava,

SALMOS 89:14

Ndeguapɨa mborookuaía pegua oï jupi jare sɨmbi vae re; mboroparareko jare añete vae ojo nderenonde.

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

PROVERBIOS 20:28

Mburuvicha guasu ɨma oiko iporookuaía pe, iporoparareko, iyeaeä jare jupi yave.

PROVERBIOS 29:14

Mburuvicha guasu oporojäa jupi rupi kavi paravete vae reta re vae, iporookuaía oikota jekuae avei pegua.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.