ISAÍAS 16:14 - Biblia Guarani Tumpa Iñee

¹⁴ Ërei añave yandeYa jei: “Mboapɨ añoa rupi, jókuae ara ñavo oyemboepɨ iparavɨkɨ chupe vae oipapa ara reta vae ou oväe chupe rami, jökoraita ou opa okañɨtei Moab jërakua yae vae, yepe tëi jeta yaeta pɨpegua reta; jaeño jembɨreta mbovɨ mii, jare mbaetɨta imbaepuere reta.”

ISAÍAS 16:14 ပူးပေါင်းရင်းမြစ်များ

GÉNESIS 31:1

Jacob oendu Labán taɨ reta jei vae: “Jacob opaetei oipɨɨ yanderu imbaembae; opaetei yanderu imbaembae oipɨɨ ramo oikokatu yae.”

ESTER 5:11

Jare imiari chupe reta imbaeyekou tuicha yae vae re jare imichia jeta vae re, jare opaete mburuvicha guasu kërai ombotuicha vae re, jare omboeteuka mburuvicha guasu iyɨvɨrigua reta pe jare tembiokuai reta pe vae.

JOB 14:6

Esɨrɨ chugüi, jare toiko pɨagüive. ¡Emaeño toyemboyerovia ara ñavo iparavɨkɨ jepɨ chupe vae rami!

JOB 7:1

Kuimbae oiko kuae ɨvɨ pe yemoambeko rupi oiko vaerä, ara ñavo iparavɨkɨ jepɨ chupe oikoasɨ katu rami.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 15:5

Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

ISAÍAS 16:13

Kuae ko jae ñee reta jei yandeYa Moab kotɨ arakae güive voi ma vae.

ISAÍAS 17:4

Jókuae ara Israel iyemboetea jagüeta, mbaetɨta ma ikɨra oiko.

ISAÍAS 21:16

YandeYa jei cheve: “Kuae güi metei añoa pe, jókuae ara ñavo oyemboepɨ iparavɨkɨ chupe vae oipapa ara reta rami, opata okañɨtei ɨvɨ Cedar imboetea yae yepi vae.

ISAÍAS 23:9

YandeYa Imbaepuere yae ete vae ko jei, omomichi vaerä opaete ipɨayemboete vae reta, jare oipɨaka vaerä opaete kuae ɨvɨ pe imbaepuere vae reta.

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 25:11

Jare Moab oipɨsota iyɨva oɨtai vae oɨtai vaerä oipɨso rami, ërei oɨtai ñavo ojota ɨ rugua kotɨ iyembotuicha, jare iyererovia katu.

ISAÍAS 7:16

Echa michia raɨ ndei oikuaa güɨröɨro ikavimbae vae jare oiparavo ikavi vae mbove, mókoi mburuvicha guasu reta rekɨɨye chugüi vae reta iɨvɨ oyeeyata ipombae.

JEREMÍAS 48:42

Moab mbaetɨta ma oiko tëtaguasu, echa oyembopɨapochɨ chekotɨ.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

DEUTERONOMIO 15:8

jaeño pepɨakavi ikotɨ jare peiporuka chupe oipota vae.