ISAÍAS 15:5 - Biblia Guarani Tumpa Iñee

⁵ Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

ISAÍAS 15:5 ပူးပေါင်းရင်းမြစ်များ

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

GÉNESIS 14:2

Kuae reta oñoraro mburuvicha Bera Sodoma pegua ndive, Birsa mburuvicha Gomorra pegua ndive, Sinab mburuvicha Adma pegua ndive, Semeber mburuvicha Zeboim pegua ndive jare mburuvicha Bela pegua ndive; kuae tëta Bela oyembojee vi Zoar.

GÉNESIS 19:22

¡Nderaɨai jare etekuarai jokotɨ! Echa mbaetɨta mbae ayapo reo regua reväe joko pe. Jáeramo tëta oyembojee, Zoar.

2 SAMUEL 15:23

Opaete vae täta oyaeo; javoi oasa reta ɨ̈aka Cedrón jee vae; javoi oasa vi mburuvicha guasu jare opaete vae oasa jenonde tape ojo ñuu rupi vae rupi.

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

ISAÍAS 16:14

Ërei añave yandeYa jei: “Mboapɨ añoa rupi, jókuae ara ñavo oyemboepɨ iparavɨkɨ chupe vae oipapa ara reta vae ou oväe chupe rami, jökoraita ou opa okañɨtei Moab jërakua yae vae, yepe tëi jeta yaeta pɨpegua reta; jaeño jembɨreta mbovɨ mii, jare mbaetɨta imbaepuere reta.”

ISAÍAS 22:5

Echa yandeYa Imbaepuere yae ete vae oñono ma ou vaerä ara yavaetegüe, kañɨtei pegua jare mbɨatɨtɨ pegua tëta guasu ɨvɨtɨ päu ipe kavi vae reta ipäu pegua pe. Opa oyemboai tëta guasu ikësea; ojoi oyeendu jäse reta vae ɨvɨtɨ re.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 4:20

Oyoaɨkue yoaɨkue jërakua susere; echa tëtaguasu opaetei oyemboai oï. Aramoete opa oyemboai chero reta, jendagüe opɨta chero guakapi pegua.

JEREMÍAS 48:3

Horonaim güi täse jasɨ katu reve oyeendu körai: ‘¡Kañɨtei yavaetegüe oväe!’

JEREMÍAS 48:5

Oyaeo reve oyeupi reta tëta Luhit oï ɨvɨtɨ re vae kotɨ; jäse jasɨ katu reve susere güi vae, tovaicho reta oendu Horonaim yagüeyɨa kotɨ.

JEREMÍAS 50:46

Babilonia jɨapu oa vae omokanata ɨvɨ; jɨapu ojo oyeendu ïru tëtaguasu reta rupi.”

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

NÚMEROS 21:29

¡Ndeparavete tëta Moab! ¡Rekañɨtei nde, tumpa-raanga Quemos jëta! Jae omaeño kuimbae reta kuae pegua opa otekuarai, jare kuña reta opa mburuvicha guasu Sehón ipo pe oa tembipɨɨrä.