ISAÍAS 15:2 - Biblia Guarani Tumpa Iñee

² Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

ISAÍAS 15:2 ပူးပေါင်းရင်းမြစ်များ

2 SAMUEL 10:4

Jayave Hanún opa oipɨɨ David jembiokuai reta, jare oñapi jañɨka-raa mbɨte rupi, oyasɨa vi jemimonde chugüi reta jevi rupi jare opa ye omondo reta.

1 CRÓNICAS 19:4

Jayave Hanún oipɨɨuka jókuae mburuvicha reta David ombou vae, jare opa oñapiasɨ jare oyasɨa jemimonde chugüi reta jevi rupi, jare opa ye omondo reta.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 15:3

Temimonde mbɨatɨtɨ pegua omonde retata oguata kaye rupi. Jo iárambo jare joka guasu rupi oyaeo retata, oyemboasɨkatu yaeta oyaeo reta.

ISAÍAS 16:12

Yepe tëi Moab oyeupi imbaemboetea ɨvɨtɨ rupigua reta re, yepe tëi oyerure joko pe ikangɨ regua, yepe tëi ojo itupao pe oyerure, ngaraa osirive chupe.

ISAÍAS 16:7

Jáeramo, opaete Moab pegua reta, oyaeota ko jëtaguasu re, oyaeo retata ko ipɨatɨtɨ reve, oyaeo retata kuimbae reta Kir-hareset pegua re.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 3:24

mbae ikäti kavi vae reta, ikäti äragüe, iine retata; kuakuaa jekovia pe, oimeta tɨmasaño; iñäkarachi kavi vae jekovia pe, mbaetɨta iñäka raa reta; jemimonde kavi jekovia pe, oimeta temimonde mbɨatɨtɨ peguaño; jova pöra jekovia pe, okaigüe ramita jova re.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 47:2

YandeYa jei körai: “Ɨvɨtuguasu kotɨ güi ou maemegua, ɨporu ou rami; opaeteita oyasoi ɨvɨ jare opaete pɨpegua reta, tëta guasu reta jare pɨpegua reta. Opaete tëtaguasu pegua reta jäse, jasɨ katu reve oyaeo reta.

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

JEREMÍAS 48:1

YandeYa Imbaepuere yae ete vae Israel iTumpa jei körai Moab regua: “¡Paravete tëta Nebo, echa opa oyemboai oï! ¡Tëta guasu Quiriataim oñepɨ̈ro jare oñemomichi! ¡Iñepɨ̈roa opa oyemboai!

JEREMÍAS 48:18

Tëta guasu Dibón, egüeyɨ nderenda yemboetea pegua güi, eguapɨ ɨvɨ re, echa Moab imboaia oporepeña ndekotɨ, omboai vaerä ndegüi nekësea.

JEREMÍAS 48:31

Jáeramo jasɨ katu reve aäpirota jare chepɨatɨtɨta, opaete tëta Moab pegua reta re, jare Kir-hares pegua reta re.

JEREMÍAS 48:35

YandeYa jei: “Che amboaita Moab pegua reta, mbaemboete renda reta ɨvɨtɨ rupigua re omee mɨmba oyeyukagüe vae reta, jare oapɨ ikäti kavi vae incienso vae reta.”

JEREMÍAS 49:3

¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

EZEQUIEL 27:31

Oñeapiasɨ retata nderé, oyemonde retata temimonde mbɨatɨtɨ pegua pe, neräpiro retata jasɨ katu reve.

EZEQUIEL 30:2

“Nde kuimbae, emoërakua chupe reta maratuta oasa vae: ‘YandeYa Tumpa jei körai: Peñeäpiro jókuae ara outa vae re,

EZEQUIEL 7:18

Oyemonde retata temimonde mbɨatɨtɨ pegua pe, okɨɨye yae retata, opaete re oyekuaata mara, jare ia oñapiasɨ retata.

LEVÍTICO 13:40

Metei kuimbae ia ókui yave, iñäka raambae vaerä ko, mbaetɨ ko ikɨa.

LEVÍTICO 21:5

Agüɨye tomboapúa reta ia toñapi, agüɨye jendɨvaa iyapɨ toyasɨa reta, agüɨye jete tombopere reta,

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

NÚMEROS 21:28

Echa Hesbón mburuvicha guasu Sehón jëta güi oë tata, jare opa oapɨ Ar Moab pegua, jare tumpa-raanga reta Arnón pegua,

NÚMEROS 21:30

Ërei romboai jae reta iporookuaía; okañɨtei Hesbón güive Dibón kotɨ, opa romboai rogüɨraja roeya Nofa jare Medeba pe.”

NÚMEROS 32:3

—Ɨvɨ Atarot, Dibón, Jazer, Nimra, Hesbón, Eleale, Sebam, Nebo jare Beón,

NÚMEROS 32:38

Nebo, Baal-meón (jee reta oyepoepɨgüe) jare Sibma, oipoepɨ reve amogüe tëta guasu jee, jae reta omopüa pɨau ye vae.

DEUTERONOMIO 14:1

Pe jae ko yandeYa Tumpa taɨ reta. Agüɨye pembopere perete, agüɨye peñeapi kia omano yave.

DEUTERONOMIO 34:1

Moisés oyeupi ñuu Moab güi, ɨvɨtɨ guasu Nebo jee vae kotɨ ɨvɨtɨ Pisga jee vae iyapɨte re, Jericó jóvai oï vae; jare yandeYa oechauka chupe opaete ɨvɨ Galaad güive Dan iɨvɨ kotɨ,