ISAÍAS 15:1 - Biblia Guarani Tumpa Iñee

¹ Tëtaguasu Moab maratuta vae regua: Pɨ̈tu yave ko tëta guasu Ar Moab pegua opa oyemboai, jayave ko Moab kïrii opɨta. Pɨ̈tu yave ko tëta guasu Kir Moab pegua opa oyemboai, jayave ko Moab kïrii opɨta.

ISAÍAS 15:1 ပူးပေါင်းရင်းမြစ်များ

2 REYES 3:25

Javoi omboai reta tëta guasu reta, jare güɨrokomegua reta ita pe ko reta, oyatɨ reta opaete ɨesaɨ, oitɨ reta opaete ɨvɨra ia vae. Jaeño opɨta tëta guasu Kir-hareset, ërei tamamboka regua reta oñova jare opɨ̈ro.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 13:1

Isaías, Amoz taɨ oecha Babilonia maratuta vae regua vae, jae kuae:

ISAÍAS 14:28

Jókuae año mburuvicha guasu Acaz omano yave, Isaías omoërakua kuae ñee:

ISAÍAS 16:11

Jáeramo, chepɨa yaeo arpa ipu rami, Moab re jare Kir-hareset re.

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

ISAÍAS 16:7

Jáeramo, opaete Moab pegua reta, oyaeota ko jëtaguasu re, oyaeo retata ko ipɨatɨtɨ reve, oyaeo retata kuimbae reta Kir-hareset pegua re.

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 25:12

YandeYa opata oitɨ chugüi ikësea ɨvategüe jare yandambusu vae, opata oitɨ oeya chugüi ɨvɨ pe.

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

NÚMEROS 21:28

Echa Hesbón mburuvicha guasu Sehón jëta güi oë tata, jare opa oapɨ Ar Moab pegua, jare tumpa-raanga reta Arnón pegua,

DEUTERONOMIO 2:18

‘Añave voi reasata ɨvɨ Moab jembeɨ rupi, jae ko Ar,

DEUTERONOMIO 2:19

jare köiño ma Amón iñemuña reta güi reï yave, agüɨye emoambeko reta jare agüɨye vi neñeengeta jae reta ndive, echa ngaraa amee ndeve jae reta iɨvɨ güi. Amón iñemuña reta jae vi ko Lot iñemuña reta amee ko ɨvɨ jae reta imbaerä.’

DEUTERONOMIO 2:9

Jayave yandeYa jei cheve: ‘Agüɨye pemoambeko Moab iñemuña reta, agüɨye peñoraro jae reta ndive, echa ngaraa amee peve kërai ave jae reta iɨvɨ güi. Che ko amee ɨvɨ Ar, Lot iñemuña reta peguarä.’