ISAÍAS 14:29 - Biblia Guarani Tumpa Iñee

²⁹ Agüɨye eyerovia tëtaguasu Filistea, jókuae oiporarauka yepi ndeve vae iporookuai opa chugüi jeko pegua, echa moichɨ güi oëta moitini, ani mboi oveve vae.

ISAÍAS 14:29 ပူးပေါင်းရင်းမြစ်များ

2 REYES 18:8

Omoamɨri vi filisteo reta Gaza kotɨ güɨraja güɨroväe regua; maeka ɨvate vae reta güive tëta guasu reta oñekëse kavi vae kotɨ.

2 CRÓNICAS 26:6

Jare oë oñeraro filisteo reta ndive jare ombosururu Gat ikësea, Jabnia jare Asdod ikësea, jare omopüa tëta guasu reta ɨvɨ Asdod pe, filisteo reta iɨvɨ pe.

2 CRÓNICAS 28:18

Jaeramiño vi filisteo reta opa oñemoai tëta guasu reta ɨvɨpe kavi rupigua rupi jare Neguev ɨvɨ Judá pegua rupi, jare opɨ̈ro reta tëta Bet-semes, Ajalón, Gederot, Soco, Timna jare Gimzo; opaete kuae reta tëta ñavo tëta raɨ raɨ ndive, jare oñemoëta reta jokoropi.

PROVERBIOS 24:17

Nderovaicho osusere yave, agüɨye eyerovia, jare ipɨ̈sa-yeyuka yave ave, agüɨye eyerovia

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 11:8

Jare michia raɨ okambuño vɨteri vae, oyuvangata moitini ikua iárambo, jare okambu poi ramo vae omopöeta ipo mboi ikua pe.

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

JEREMÍAS 47:1

YandeYa jei ñeemombeúa Jeremías pe filisteo reta regua, ndei Faraón omboai Gaza mbove:

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

EZEQUIEL 25:15

Che ndeYa Tumpa jae körai: “Filisteo reta oyepɨ Israel pegua reta re omotareɨ yae reve, jovaichorä ñomai güɨreko ramo.

EZEQUIEL 26:2

“Nde kuimbae, Tiro jei Jerusalén kotɨ: ‘¡Tëta guasu Jerusalén opa oyemboai! Tëtaguasu pegua reta omaemee jare ombaegua yepi pɨpe vae. ¡Añave che mo tayemboikokatu, jae oyemboai oï ramboeve!’

EZEQUIEL 35:15

Nde reyerovia yae Israel iñemuña reta iɨvɨ opa oyemboai yave, jökorai eteita reasa; repɨtata ipombae ɨvɨtɨ Seir, opaete ɨvɨ Edom. Jayave reikuaata che ko jae Tumpa vae.’ ”

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

JOEL 3:4

Pe reta: “Tëta guasu Tiro, Sidón jare opaete filisteo reta iɨvɨ, ¿mbae pa ayapo peve? ¿Maera pa peipota peyepɨ cheré? ¡Ërei peyepɨ cheré yave, ɨmambae pegua che amboekoviata peve mbaeyoa peyapogüe!

AMÓS 1:6

YandeYa jei körai: “Gaza pegua reta iyoa yae jeko pegua, mbaetɨta cheɨ̈ro chupe reta, echa opaetei oipɨɨ reta güɨraja metei tëta ipo omee vaerä Edom pegua reta pe tembiokuairä.

AMÓS 1:8

Opata amokañɨtei tëta Asdod pegua reta jare mburuvicha reta Ascalón pegua. ¡Aitɨta vi chepo Ecrón pegua reta re; opaeteita filisteo reta jembɨregüe ave omano!” Jei yandeYa.

ABDÍAS 1:12

Agüɨyeta tëi ko peyerovia peecha yave perëtara reta, jókuae ara mbaesusere rupi yogüɨreko yave, agüɨyeta tëi vi peyerovia, peecha yave Judá pegua reta jókuae ara rupi opa oyemboai, agüɨyeta tëi vi peyóyai yóyai, jókuae ara mbɨatɨtɨ rupi yogüɨreko yave.

MIQUEAS 7:8

Nde, cherovaicho agüɨye epuka emae cheré, echa yepe tëi agüɨapi, ërei apüa yeta ko; yepe tëi aiko pɨtumimbi rupi; ërei yandeYa oikota tembipe cheveguarä.

SOFONÍAS 2:4

Tëta guasu Gaza opɨtata ipombae, jare tëta guasu Ascalón opɨtata kïrii ngatu; jare tëta guasu Asdod pegua reta opata oñerenoeuka oyemombo kuaraɨ ara mbɨte pe etei, tëta guasu Ecrón pegua reta opata oñemokañɨtei.

SOFONÍAS 2:5

¡Paravete, ɨguasu jembeɨ rupi oñemoëta vae, cereteo reta! Tumpa jei körai: “¡Canaán, filisteo reta iɨvɨ, opata ndeipo reta amokañɨtei!

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

ZACARÍAS 9:5

Oechata tëta Ascalón jare okɨɨyeta. Gaza oiporara yaeta vi, jökoraiño vi Ecrón echa oyerovia jese vae okañɨteita jare ¡omanota mburuvicha guasu Gaza pegua, tëta Ascalón opɨtata ipombae!

NÚMEROS 21:8

jare yandeYa jei Moisés pe: —Eyapo ndeyeupe metei mboiraanga jókuae imbayachi yae vae rami jare eñono metei ɨvɨra iyapɨte re; jare oipotagüe mboi oichuu vae omae yave jese, okuerata.

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,