ISAÍAS 14:24 - Biblia Guarani Tumpa Iñee

²⁴ YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 14:24 ပူးပေါင်းရင်းမြစ်များ

GÉNESIS 41:32

Jare Faraón opaɨu mókoi ye ramo; Tumpa jei vae añetete oasata ko, jare Tumpa jaɨai yae oï oyapo vaerä kuaekuae reta.

JOB 23:13

Ërei jae jei yave mbae oyapo vaerä, oyapo, ngaraa kia oipoepɨ iyemongeta.

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 33:10

YandeYa güɨrokomegua tëtaguasu reta oyemongeta tëi oyapo vaerä vae, güɨrokomegua tëta reta iyemongeta,

SALMOS 92:5

CheYa Tumpa, ¡nderembiapo reta oremopɨakañɨ yae ko! ¡Ndeyemongeta roupitɨ rapeä ko!

ÉXODO 17:16

jare jei: “¡Amalec iñemuña reta opüa yandeYa iguapɨka kotɨ jeko pegua! ¡YandeYa güɨnoita ñeraro Amalec iñemuña reta ndive jekuae avei pegua!”

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 19:12

¿Jama pa jókuae iyarakuaa katu vae reta?, tei reta ndeve añave, tomombeu reta ndeve, mbae ra yandeYa Imbaepuere yae ete vae oyemongeta Egipto kotɨ vae.

ISAÍAS 19:17

Egiptoɨgua reta okɨɨyeta Judáɨgua reta güi; imaendúa jese reta yave ave okɨɨyeta, jókuae yandeYa Imbaepuere yae ete vae oyemongeta oyapo vaerä Egipto kotɨ vae güi.

ISAÍAS 55:8

YandeYa jei: Cheyemongeta reta mbaetɨ ko peyemongeta reta rami, jare perape reta, mbaetɨ cherape rami.

ISAÍAS 55:9

Ara ɨvate yae ko ɨvɨ güi, jökorai ko cherape reta ɨvate yae perape reta güi, jare cheyemongeta reta peyemongeta reta güi.”

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 49:20

Peyeapɨsaka kërai che peYa ayemongeta Edom kotɨ vae re, jare kërai ko cheyemongeta Temán pegua reta kotɨ vae re: Vecha raɨ ave güɨraja retata jare kapiirupa opata oyemboai.

JEREMÍAS 50:45

Peyeapɨsaka kërai che peYa ayemongeta Babilonia kotɨ vae re; Caldeaɨgua reta iɨvɨ regua yemongeta ayapo vae: Vecha raɨ ave güɨraja retata, jare kapiirupa opata oyemboai.

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

EZEQUIEL 12:25

Echa che chemiarita, jare jae vae oyembopota jupivei. Pe tëta ipɨapochɨ vae reta, pe etei ko peechata oyembopo vae. Che peYa ko jae kuae.”

EZEQUIEL 39:4

Nde, ndesundaro reta jare tëta reta oñemoïru nde ndive vae, opata pemano ɨvɨtɨ reta Israel pegua re; pomeeta oipotagüe uruapúa reta jare mɨmba pochɨ vae reta jembiurä.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

Hechos 4:28

Ombopo reta vaerä ndembaepuere rupi arakae voi ma rere oyeapo vaerä vae.

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Hebreos 4:3

Jare yande yarovia Tumpa vae yaupitɨ jókuae mbutuu, Tumpa jei rami: “Jáeramo, chearasɨ reve jae: Mbaetɨta oike reta mbutuu ameeta vae pe.” Yepe tëi Tumpa opa oyapo iparavɨkɨ, ɨvɨ opa oyapo güive.

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.