ISAÍAS 14:22 - Biblia Guarani Tumpa Iñee

²² YandeYa Imbaepuere yae ete vae jei: “Apüata ikotɨ reta, opata amboai Babilonia jee, jare joko pe jembɨregüe reta, taɨ reve reve jare jɨmɨmino reve reve.

ISAÍAS 14:22 ပူးပေါင်းရင်းမြစ်များ

1 REYES 14:10

jáeramo, ko che aru Jeroboam jo pegua reta re mbae ikavimbae, jare amboaita Jeroboam güi opaete kuimbae reta, tembiokuai reta ani tembiokuaimbae reta Israel pegua; atupeita Jeroboam iñemuña re tepoti oyetupei rami, opa regua.

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

PROVERBIOS 10:7

Kuimbae jupi vae re oime ñee kavi; ërei kuimbae jupimbae jee, jarembae pegua okañɨ.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

JEREMÍAS 50:3

Echa ɨvɨtuguasu kotɨ güi metei tëtaguasu oporepeña jese, jae oeyata jëtaguasu ipombae. Mbaetɨ eteita, kuimbae ani mɨmba yepe oiko pɨpe, echa opaeteita otekuarai.”

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”