ISAÍAS 14:15 - Biblia Guarani Tumpa Iñee

¹⁵ ¡Ërei rea ko omanogüe ñogüɨnoia kotɨ, ɨvɨgüɨasɨ kotɨ!

ISAÍAS 14:15 ပူးပေါင်းရင်းမြစ်များ

ISAÍAS 14:16

Ndereecha vae reta, oyemboɨta omae nderé, jare jei retata: ‘¿Jae pa kuae kuimbae omborɨrɨi yepi ɨvɨ vae, opa yepi omboai tëtaguasu reta vae,

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

EZEQUIEL 31:14

Agüɨye vaerä ma metei ave ɨvɨra reta oyembotuicha iyé ɨ iyɨ́vɨri ñogüɨnoi vae reta, ani oyemboɨvate yae, ani oyembotuicha ɨvate yae jeko pegua. Echa opaete vae omano vaerä ko, ojo retata ko ɨvɨgüɨ pe, omanogüe reta ñogüɨnoia pe.

EZEQUIEL 31:16

Che amondo yave oyea omanogüe vae reta ndive, jɨapu oa ojo vae pe omokanata tëtaguasu reta. Jare jókuae ɨvɨgüɨ pe ipɨakatuta ɨvɨra reta Edén pegua ipöra yae vae jare oɨu kavi yae vae ɨvɨtɨ Líbano pegua reta.

EZEQUIEL 32:23

Jɨvɨa reta oñeñono ɨvɨkuasoro pe jare isundaro reta jɨvɨa ñogüɨnoi iyɨ́vɨri rupi, opaete kuae reta omano ñeraro pe; kuae reta oporomongɨɨye reta yepi ɨvɨ pe.

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Lucas 10:15

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.