ISAÍAS 14:13 - Biblia Guarani Tumpa Iñee

¹³ Rere yepi ndepɨa pe ndeyeupe: ‘Tayeupi ara kotɨ; tañono cheguapɨka mborookuaía pegua Tumpa iyasɨtata reta iárambo ye; taguapɨ ɨvɨtɨ guasu, tumpa reta ñogüɨnoia pe ɨvɨtuguasu kotɨ.

ISAÍAS 14:13 ပူးပေါင်းရင်းမြစ်များ

JOB 20:6

Yepe tëi ara oupitɨ, jare iñäka oupitɨ amapɨtu reta.

SALMOS 48:2

¡Ipöra yae ɨvɨtɨ guasu Sión, jókuae jovaicho ɨvɨtuguasu kotɨgua! ¡Jae ko opaete ɨvɨ omboyerovia vae! ¡Jae ko Mburuvicha guasu jëta guasu!

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

EZEQUIEL 27:3

jókuae tëta guasu oï ɨguasu jembeɨ pe vae, omaemee jeta tëtaguasu reta ɨguasu jembeɨ rupi ñogüɨnoi vae pe vae. Ere chupe, yandeYa Tumpa jei körai: Nde Tiro, ndeiño rere ndeyegua: ‘Che ko barco ipöra yae vae jare ikavi yae vae.’

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

EZEQUIEL 31:10

Jáeramo, yandeYa Tumpa jei körai: Jókuae ɨvɨra ɨvate yae oyeapo vae, oupitɨ amapɨtu vae jeko pegua, ipɨa pe oyembotuicha yae.

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Lucas 10:15

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”