ISAÍAS 14:12 - Biblia Guarani Tumpa Iñee

¹² ¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

ISAÍAS 14:12 ပူးပေါင်းရင်းမြစ်များ

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 34:4

Jare opaete ara ipo reta, opata oyemboai, ara opata yapúa tupapire rami, jare yasɨtata reta opata oa, uva joogüe osururu rami ani ɨva joogüe osururu rami.

JEREMÍAS 50:23

¡Babilonia, martillo rami opaete ɨvɨ pegua reta re vae, oyeakɨo opɨta, opa oyembojaɨ jaɨ! ¡Okɨɨye rai yae tëtaguasu reta, oecha yave kërai Babilonia oasa vae!

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

LAMENTACIONES 2:1

¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

EZEQUIEL 26:17

Otairari retata nderé tairari mbɨatɨtɨ pegua, körai: ‘¡Maera pa ko rekañɨtei! ¡Maera pa ko rekañɨ ɨguasu güi, tëtaguasu jërakua yae vae! ¡Nerëta pegua reta ndive ndembaepuere yae ɨguasu pe, okɨɨye yepi ndegüi opaete ndeɨ́vɨri rupigua reta!

ABDÍAS 1:4

Ërei yepe tëi peyemboɨvate yae güɨraké rami yepe tëi peñono peraitɨ yasɨtata reta re, joko güi poitɨta.” YandeYa jei:

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

2 Pedro 1:19

Ñanoi vi ñeemombeúa reta omoërakua vae, jókuae re perovia vae ikavi yae ko. Jókuae ñee ko metei mechero omoembipe pɨtumimbía pe rami köe regua, yasɨtata köembiya omoembipe pepɨa pe regua;

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.

Apocalipsis 2:28

jare ameeta chupe yasɨtata ndeimboveasɨ oyekuaa vae.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 8:10

Jayave araɨgua mboapɨa omoñee mimbɨguasu, jare oa ara güi metei yasɨtata tuicha vae jendɨ reve metei mechero tuicha vae rami, jare oa mbɨte seri ɨ̈aka reta jare ɨesaɨ reta re.

Apocalipsis 9:1

Jayave araɨgua pandepoa omoñee mimbɨguasu, jare aecha metei yasɨtata oa ara güi ɨvɨ pe; jare oñemee chupe ɨvɨkua guasu illave.