ISAÍAS 14:1 - Biblia Guarani Tumpa Iñee

¹ YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 14:1 ပူးပေါင်းရင်းမြစ်များ

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

SALMOS 102:13

Epüa jare eiparareko mo Sión, echa oväe ma ko ara; ¡oväe ma ko neɨ̈ro chupe vaerä!

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

SALMOS 143:12

Ndeporoparareko rupi, ¡emokañɨtei cherovaicho reta! ¡Emokañɨtei opaete cherovaicho reta, echa che nderembiokuai ko!

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

ISAÍAS 19:18

Jókuae ara rupi oimeta pandepo tëta guasu reta Egipto pe imiari reta ñee hebreo pe vae jare omboete retata yandeYa Imbaepuere yae ete vae; metei tëta guasu jeeta Herez.

ISAÍAS 21:1

Ɨguasu iyɨ́vɨri ñuu oï vae maratuta vae regua: Kusumirou Neguev kotɨ güi ou vae rami, jökorai ou ñuu kotɨ güi ɨvɨ yavaete vae kotɨ güi.

ISAÍAS 27:6

Outa oväe metei ara Jacob iñemuña reta oyembojapo vaerä, Israel iñemuña reta jokɨ pɨau yeta jare ipotɨta, jare ia omotɨnɨeta opaete ɨvɨ.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 41:9

Che ko rogüeru matɨ ɨvɨ iyapɨ kotɨ güi, che ko roenɨi matɨ ɨvɨ jembeɨ kotɨ güi, jare jae ndeve: ‘Nde ko cherembiokuai.’ Che ko roparavo jare mbaetɨ rogüɨröɨro.

ISAÍAS 44:1

YandeYa jei: “Eyeapɨsaka Israel, Jacob iñemuña reta, cherembiokuai, cherembiparavo.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 47:1

“Babilonia, nde Caldeaɨgua kuñatai ndei kuimbae ndive oasa vae rami, egüeyɨ jare eguapɨ ɨvɨkúi re; mbaetɨta ma reguapɨ mburuvicha iguapɨa pe. Eguapɨ ɨvɨ re, echa ngaraa ye ma jei reta ndeve: Ipöra yae vae.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 49:15

¿Kuña iñakañɨta ra imembɨ güi, ani ikueraita ra oaɨu? Yepe tëi kuña iñakañɨ imembɨ güi, ërei che ngaraa cheakañɨ ndegüi.

ISAÍAS 49:25

Ërei yandeYa jei körai: “Ipuere ko, sundaro jëia vae güi oñepɨ̈ro mbae ñeraroa güi güerugüe, ipuere ko, tembipɨɨ otekuarai mburuvicha jëia vae güi. Che tañemoë, oñeapo nderé vae reta kotɨ, che etei aroasayepeta nemembɨ reta.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 54:3

echa ndeakatu kotɨ jare ndeasu kotɨ reñemoaita; neñemuña reta opɨ̈rota iyeupe tëtaguasu reta, oñemoëta retata tëta guasu reta ipombaea rupi.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 56:3

Ketɨgua oñemee yave yandeYa pe, agüɨye tei: “CheYa chembosɨrɨta imbae vae reta güi.” Eunuco ave agüɨye tei: “Che ko ɨvɨra yɨpigüe rami.”

ISAÍAS 60:10

Ketɨgua reta omopüata nekësea, juvicha guasu reta oyeokuaita ndeve; echa, yepe tëi yandeYa iyarasɨ rupi oiporarauka ndeve, añave ipɨakavi ndekotɨ, güɨnoi mboroparareko nderé.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 16:15

Jaeño pereta: ‘YandeYa jee re, Israel iñemuña reta güɨnoe ɨvɨtuguasu kotɨgua ɨvɨ güi vae, jare opaete ɨvɨ rupi omoai moaia kotɨ güi vae’. Che pogüeru yeta peɨvɨ pe, kuae ɨvɨ che amee peñemuñagüe reta pe vae pe.”

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 30:8

Che, peYa Imbaepuere yae ete vae jae: Ayorata chembae vae reta tembipɨɨ güi, jare ngaraa ye ma ketɨgua reta jembipɨɨrä yogüɨreko.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

JEREMÍAS 50:33

YandeYa Imbaepuere yae ete vae jei: “Israel pegua reta jare Judá pegua reta pe oiporarauka yae ñogüɨnoi. Jovaicho reta güɨnoi tembipɨɨrä, mbaetɨ oipota oyora reta.

JEREMÍAS 51:51

Pe reta pere: “Oremara yae roï, echa roendu ikavimbae oyapo reta orekotɨ vae. Oremomaraiuka yae, echa ketɨgua reta oike, tupao ikɨambae yae vae pe.”

EZEQUIEL 16:60

Ërei che chemaenduata jókuae morogüɨrökuavee päve ayapo nde ndive ndetaɨrusu yave vae re, jare ayapota nde ndive morogüɨrökuavee päve jekuae avei pegua.

EZEQUIEL 47:22

Pemboyao ɨvɨ pembaerä suerte rupi, jare ketɨgua reta pepɨte pe yogüɨreko vae, imichia oa pepɨte pe vae reta pe vi. Pereko vi perëtaɨgua rami. Ɨvɨ pemboyao pembaerä suerte rupi yave, jökorai jae reta toike vi suerte rupi pepɨte pe, güɨnoi reta vaerä vi iɨvɨrä.

ZACARÍAS 1:17

Jei ye cheve: “Emoërakua ye rere reve: ‘Körai jei yandeYa Imbaepuere yae ete vae: Tëta chembae vae reta güɨnoi yeta jeta mbae jare ambopɨakatu vɨterita Sión, jae ko Jerusalén aiparavo vae.’ ”

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Lucas 1:54

Omborɨ jembiokuai Israel, echa imaendúa kërai jei oipararekota ko.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”