ISAÍAS 13:8 - Biblia Guarani Tumpa Iñee

⁸ okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 13:8 ပူးပေါင်းရင်းမြစ်များ

2 REYES 19:26

Pɨpegua reta mbaetɨ imbaepuere; okɨɨye reta jare ipɨajopa reta, ñana, ko rupigua rami yogüɨreko reta, kapii jovɨ vae rami, ovapɨa re ñana jokɨ vae rami opa ipiru ɨvɨtuakuvo omombiru rami.

SALMOS 48:7

ɨvɨtuakuvo opa güɨrokomegua Tarsis pegua barco reta rami.

ISAÍAS 26:17

Kuña imembɨ oata ma yave, jäse, imembɨrasɨ güi rami ko, roï nderóvai oreYa.

JEREMÍAS 13:21

¿Mbae pa rereta, Jerusalén, jókuae nderemimboe reta renoi nderuvicharä yave? ¿Ngaraa ra jasɨ ndeve, kuña imembɨrasɨ vae pe jasɨ yae rami?

JEREMÍAS 30:6

Peparandu, ¿ipuere yera metei kuimbae imembɨ? Ërei maera pa aecha kuimbae reta oyeetepoka, kuña imembɨ oa oï vae pe jasɨ vae rami, jare opaete jovaiyu ñogüɨnoi.

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 48:41

Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 49:24

Damasco, otekuaraita tëi, ërei jëogüe. Ou jese kɨɨye jare mbɨatɨtɨ, orɨrɨi metei kuña imembɨ oa oï vae rami.

JEREMÍAS 50:43

Mburuvicha guasu Babilonia pegua oikuaa yave kuae re, mbaetɨ oikuaa mbae oyapo vaerä okɨɨye güi, ipɨatɨtɨ yae jare jasɨ chupe, kuña imembɨ oa oï yave vae rami.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

EZEQUIEL 20:47

ere chupe: ‘YandeYa Tumpa jei körai: Che amoendɨta tata nderé, jókuae tata oapɨta opaete ɨvɨra reta jokɨ vae jare yɨpi vae; ngaraa ogüe jare oapɨta opaete vae jova, ɨvɨtuguasu güive arayevɨ kotɨ.

OSEAS 13:13

Outa oväe chupe ara, kuña imembɨrasɨ vae rami, metei michia yarakuaambae rami ko, echa mbaetɨ oñeñono kavi michia oa vaerä rami ko.

JOEL 2:6

Yogüeru reta yave, orɨrɨi chugüi reta opaete vae, opaete vae jovaiyuta okɨɨye güi.

NAHUM 2:10

Oyemboai jare ipombae opɨta, jökorai opɨta Nínive. Ipɨakɨɨye yae reta, orɨrɨi itava reta, opaete vae pe oata mɨ̈rata jare jova ambuae yae opɨta reta.

San Juan 16:21

Metei kuña imembɨ oata oï yave, oiporara yae jasɨ chupe ramo, echa oväe iora. Ërei imembɨ oa ma yave, mbaetɨ ma imaendúa oiporara yae vae re. Echa oyerovia imembɨ oa vae re.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.