ISAÍAS 13:6 - Biblia Guarani Tumpa Iñee

⁶ Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 13:6 ပူးပေါင်းရင်းမြစ်များ

JOB 31:23

Che akɨɨye Tumpa iporonupa güi; ngaraa chepuere aropɨa jae oñonogüe.

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 13:9

Mase, oväe ma yandeYa iporojäa iara, ara yavaetegüe jare arasɨ yae pegua, oeyata ipombae ɨvɨ, opata omokañɨtei chugüi iyoa vae reta.

ISAÍAS 14:23

Mɨmba küi jee vae oiko vaeräño ikavita, ɨvɨ yasuru vaerä, opata atupei, tupeicha kañɨtei pegua pe.” YandeYa Imbaepuere yae ete vae ko jökorai jei.

ISAÍAS 14:31

¡Neräse tëta guasu jöke, pesapúkai, tëta guasu reta Filistea pegua! Echa ɨvɨtuguasu kotɨ güi outa tätati rami sundaro reta; chugüi reta mbaetɨta metei ave ipɨtu vae.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 23:1

Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 34:8

Echa yandeYa iyepɨ iara ko, ou oväe año, oyepɨ vaerä Sión pe.

ISAÍAS 47:11

Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

ISAÍAS 52:5

Añave, ¿mbae ra ayapota? Opa güɨraja reta tëta chembae vae, jupimbae reve. Jókuae jerajaa reta oiporarauka avei chupe reta, omoäse avei reta. Cheangao avei reta.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 63:4

Echa ayepɨ vaerä iara, oime areko chepɨa pe; oväe ma año aepɨ vaerä chembae vae reta.

ISAÍAS 65:14

cherembiokuai reta otairarita ipɨa oyerovia reve, ërei pe reta peräseta peyaeo pepɨatɨtɨ yae güi.

JEREMÍAS 25:34

¡Vecha iyangarekoa reta, peräse mbae jasɨ güi! ¡Pe reta, vecha reta jeroataa reta, peyapayere ɨvɨ rupi! Echa oväe ara peyeyukauka vaerä jare opa vaerä peñemoai moai; opata peyeyuka vecha kuimbae rami.

JEREMÍAS 49:3

¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

EZEQUIEL 13:5

Mbaetɨ etei mbae oyapo reta oepɨ vaerä Israel, mbaetɨ ojo reta oyemboasavi oï vae pe ani omopüa yepe oguambɨ tëta ikësea ñeraro peguarä, yandeYa iporojäa iara pe.

EZEQUIEL 21:12

Nde kuimbae, ¡neräse jare jasɨ katu reve eyaeo, echa kuae kɨsepuku oyukata chembae vae reta jare opaete mburuvicha reta Israel pegua! Jae reta omanota chembae vae reta ndive, ekua ndeu re ndepɨatɨtɨ güi;

DANIEL 5:26

Kuae ñee MENE oipota jei: Tumpa oipapa ma ndeporookuaía, jare oñono ma iyapɨ vaerä.

DANIEL 5:9

Jayave mburuvicha guasu Belsasar okɨɨye yae ete, jare jovaiyu, jare iyɨvɨrigua mburuvicha reta ipɨakañɨ yae.

JOEL 1:11

Pepɨatɨtɨ maetɨ regua reta; peräse uva iya reta; peyaeo trigo re jare cebada re, echa temitɨ opa okañɨtei ko rupi.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

JOEL 1:5

¡Osavaɨpogüe reta, pepa jare peyaeo! ¡Peräse peyaeo, opaete vino iua reta, peyaeo uva tɨgüegüe re, echa oñepïro pegüi!

JOEL 2:1

Pemoñee mimbɨguasu ɨvɨtɨ Sión pe; pemoñee yemombarandu cheɨvɨtɨ oñeñono tee vae re, perɨrɨi opaete, pe kuae ɨvɨ ipo reta, echa yandeYa iporojäa iara köi ma oï.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

AMÓS 5:18

¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

SOFONÍAS 1:14

¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

ZACARÍAS 14:1

Mase, ko yandeYa iporojäa iara ou ma, ndembaembae opata oyemboyao yao ndegüi Jerusalén.

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

Santiago 5:1

¡Peyeapɨsaka, pe peikokatu vae reta! Peyaeo jare peräse, susere reta outa peré vae re.

Apocalipsis 18:10

Ërei jae reta oyemboɨta mombɨrɨ tëta guasu güi, okɨɨye ramo oiporara oï vae güi, jei reve: “Paravete tëta guasu Babilonia, tëta guasu imbaepuere yae vae; echa neparanoe oväe reiporara yae vaerä.”