ISAÍAS 13:4 - Biblia Guarani Tumpa Iñee

⁴ Oyeendu jeta yae vae reta isapúkai ɨvɨtɨ re, jeta yae yogüeru vae reta oyeendu rami. Oyeendu tëtaguasu reta isapúkai, jeta vae kuimbae reta oyemboatɨ ñogüɨnoi vae rami. YandeYa Imbaepuere yae ete vae omae jare oipapa kavi sundaro reta ñeraro peguarä.

ISAÍAS 13:4 ပူးပေါင်းရင်းမြစ်များ

ISAÍAS 17:12

¡Peendu jeta vae reta kërai oyeendu, ɨguasu jɨapu oyeendu rami! Tëta guasu reta jɨapu oyeendu, ɨguasu jɨapu oyeendu rami.

ISAÍAS 48:14

Peyemboatɨ opaete pe reta jare peyeapɨsaka: ‘¿Kia pa pegüi reta ipuere omombeu voi kuaekuae reta oasata vae? Kërai che, jókuae kuimbae aiparavo vae, oyapota ko Babilonia kotɨ che ayemongeta ayapo vaerä vae, jae ko Caldeaɨgua reta kotɨ.

ISAÍAS 5:26

YandeYa omopüata metei bandera, jare oenɨita itɨvɨñee pe metei tëta matɨ oï vae; jare outa oväe jarembae pegua voi;

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

JEREMÍAS 21:4

‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JOEL 2:25

Amboekoviata peve jókuae año reta rupi, taso jare tuku reta opa jou pegüi vae, jókuae chesundaro jetagüe ambou pekotɨ vae.

JOEL 3:14

Jeta yae vae ou ɨvɨtɨ päu ipe kavi vae Kïreɨ jee vae pe, echa köi yae ma oï yandeYa iporojäa iara.

Apocalipsis 18:8

Jáeramo metei ara peño oyeapota chupe jeta mbaesusere: mano, mbɨatɨtɨ jare karuai, jare opata ókai, echa imbaepuere yae ko yandeYa Tumpa ojäa vae.”