ISAÍAS 13:3 - Biblia Guarani Tumpa Iñee

³ Tumpa jei: Aenɨi ma chesundaro reta, jëia vae reta, oyeparavogüe reta, cheporomoamɨri re oyerovia vae reta, amondo oyapo reta vaerä cheporonupa.”

ISAÍAS 13:3 ပူးပေါင်းရင်းမြစ်များ

SALMOS 149:2

Israel iñemuña reta, peyerovia peApoa re; Sión pegua reta, peyerovia peRuvicha guasu re.

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 5:26

YandeYa omopüata metei bandera, jare oenɨita itɨvɨñee pe metei tëta matɨ oï vae; jare outa oväe jarembae pegua voi;

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 51:46

Agüɨye peyembopɨtu, agüɨye pekɨɨye jërakua tëtaguasu pe vae güi. Año ñavo ambuaeyeeta mbae jërakua, oimeta teko ikavimbae ɨvɨ pe, jare ɨvɨ ruvicha reta oñorarota oyoupii.

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

JOEL 3:11

¡Opaete tëtaguasu kuae rupigua reta! Peyu ɨmambae peyomboatɨ. ¡CheYa Tumpa, embou joko pe ndesundaro jëia vae reta!

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”