ISAÍAS 12:4 - Biblia Guarani Tumpa Iñee

⁴ Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 12:4 ပူးပေါင်းရင်းမြစ်များ

1 CRÓNICAS 16:8

“¡Pemboete yandeYa! ¡Pemboete jee! Peikuaauka opaete vae pe jae jembiapo reta.

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

SALMOS 105:1

¡Pemee yasoropai Tumpa pe! ¡Pemoërakua jee! ¡Peikuaauka tëta reta pe opaete mbaembae oyapogüe!

SALMOS 107:22

Pemee mbaemboete Tumpa pe, pemoërakua yerovia rupi jembiapo reta regua.

SALMOS 113:5

¿Kia pa yandeYa Tumpa rami? ¿Kia pa güɨnoi iporookuaía ɨvate yeyé?

SALMOS 148:13

¡Pemboete yandeYa jee, echa jae jeeño ko tuicha yae vae! ¡Iyemboetea tuicha yae, oyapɨraa opaete ara jare ɨvɨ!

SALMOS 18:46

¡Toyemboete yandeYa! ¡Toyemboeteuka ita guasu cheñepɨ̈roa! ¡Toyembotuicha cheTumpa chereroasayepe vae!

SALMOS 21:13

¡Emboyekuaa ndembaepuere cheYa Tumpa! ¡Rotairarita jare romboeteta reporomoamɨri vae!

SALMOS 22:31

Omoërakuata tëta oimeta vae reta pe, Tumpa jupi vae re jare jembiapo re.

SALMOS 34:3

Embotuicha yandeYa che ndive, yambotuicha päve jee.

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 57:5

CheRu Tumpa, nde ko ɨvate yé ara güi vae. ¡Ndeyemboetea tɨnɨe oï opaete ɨvɨ!

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

SALMOS 73:28

Ërei cheve ikavi yae vae ko, köiño aï ndegüi vae, cheYa Tumpa, ndereño anoi cheporoäro, amoërakua vaerä opaete nde reyapogüe.

SALMOS 9:11

Sión pegua reta, petairari yandeYa pe; pemoërakua tëta reta pe jembiapo re.

SALMOS 96:3

Pemoërakua opaete tëtaguasu rupi iyemboetea, jare opaete tëta reta rupi jembiapo oporombopɨakañɨ vae,

SALMOS 97:9

echa, nde cheYa, Tuichagüe yae ete vae ko opaete ɨvɨ re, ndetuicha yae ko opaete tumpa-raanga reta güi.

ÉXODO 15:2

Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 24:15

Opaete kuaekuae re pemboete yandeYa, kuaraɨ oëa kotɨgua reta, ɨguasu päu rupigua reta pemboete yandeYa, Tumpa Israel pegua.

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 26:8

OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 33:5

YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Juan 17:26

Che romombeu ma chupe reta jare romombeu yeta, jae reta oaɨu vaerä ïru vae reta nde cheraɨu rami, jare che etei aïta jese reta.”