ISAÍAS 12:2 - Biblia Guarani Tumpa Iñee

² Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 12:2 ပူးပေါင်းရင်းမြစ်များ

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

JOB 13:16

Jae ko chereroasayepe vae, echa jae jóvai, ngaraa oyemboɨ iyoa vae.

SALMOS 112:8

Ipɨakatu oï, ngaraa okɨɨye; oecha regua jovaicho reta isusere.

SALMOS 118:14

Cheñepɨ̈roa jare chetairari ko yandeYa. ¡Jae ko chereroasayepe vae!

SALMOS 118:21

CheYa, tamee mbaemboete ndeve, echa reendu cheve, echa nde ko chereroasayepe vae.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 65:6

Nde ko ɨvɨtɨ guasu reta reñono jenda rupi ndembaepuere pe,

SALMOS 68:20

Tumpa, jae ko oreTumpa oporogüɨroasayepe vae, jae ko yandeYa oporoyora mano güi vae.

SALMOS 68:21

Añetete, Tumpa ombopereta jovaicho reta iñäka, mbaeyoa rupi jekuae aveiño oiko vae iñäka.

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

ÉXODO 15:2

Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 27:5

Oipota reta yave ayangareko jese, toñeñono kavi reta che ndive; toyapo reta jökorai.”

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 38:20

YandeYa ko cheangareko. Yaikove yaiko ramboeve yambopu arpa jare yatairari ara ñavo yandeYa jo pe.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 49:5

YandeYa, chesɨ jɨe güive voi ma cheparavo jembiokuairä vae, amboyerova ye vaerä Tumpa kotɨ Jacob, Israel iñemuña reta, echa chererovia katu cheYa, cheTumpa ko jae chepɨ̈rata.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 3:23

Mbaetɨ etei mbaerä osirive oreve rosapúkai ɨvɨtɨ re vae; jaeño nde oreYa Tumpa re roväe yemborɨ.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

JONÁS 2:9

Ërei che cheñee pe romboete reve, tamee ndeve mɨmba oyeyukagüe; tambopo arökuavee ndeve vae. ¡Yereroasayepe yandeYa imbae ko!”

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Apocalipsis 7:10

Jare iñeeäta reve jei reta: “¡ÑaneTumpa mburuvicha iguapɨa pe oguapɨ jare Vecha kuimbae taɨrusu vae güi ou yemboasa!”

1 SAMUEL 2:1

Ana oyerure, jei körai: “CheYa chepɨa oyerovia nderé chemopɨ̈rata nde, tamoë cheñee cherovaicho reta kotɨ. ¡Ayerovia yae chemborɨ vae re!