ISAÍAS 11:9 - Biblia Guarani Tumpa Iñee

⁹ Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 11:9 ပူးပေါင်းရင်းမြစ်များ

JOB 5:23

Ita reta ave ngaraa ndemboavai ndeko pe, mɨmba reta ñana rupigua ngaraa maratu ndeapo.

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

SALMOS 78:54

Güeru jaɨkue rupi ɨvɨ oñono tee vae jembeɨ pe; kuae ɨvɨtɨ jae imbaepuere rupi opɨ̈ro vae pe.

ISAÍAS 11:13

Jare Efraín iporomotareɨ opata, jare Judá jovaicho reta opata oyemboai; Efraín ngaraa ma omotareɨ Judá, Judá ngaraa ma oiporarauka Efraín pe.

ISAÍAS 11:8

Jare michia raɨ okambuño vɨteri vae, oyuvangata moitini ikua iárambo, jare okambu poi ramo vae omopöeta ipo mboi ikua pe.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 32:16

Sɨmbi vae jare jupi vae oimeta opaete kuae ɨvɨ pe.

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 31:23

YandeYa Imbaepuere yae ete vae Israel iTumpa jei: “Aru ye ma Judá pegua reta tembipɨɨ güi iɨvɨ pe, jare yogüɨreko ye ma pɨpe yave, jei retata kuae ñee: ‘¡YandeYa tiporerekua kuae ɨvɨtɨ oñeñono tee jare jupigüe oyeapo pɨpe vae re!’

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

EZEQUIEL 47:5

Jekuae ojäa ye quiniento metro, jare ɨ oyeapo metei ɨ̈aka rami, che mbaetɨ ma chepuere aasa, echa ɨ tuicha yae ma, mbaetɨ ma yandepuere jökoraiño yaasa, jaeño yaɨtai reve.

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

HABACUC 2:14

Echa yandeYa iyemboetea regua jërakuata opaete ɨvɨ rupi, ɨ omotɨnɨe ɨguasu rami.

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.