ISAÍAS 11:3 - Biblia Guarani Tumpa Iñee

³ Jare oikuaaukata chupe, oyepoɨu vaerä yandeYa güi. Ngaraa oporojäa oechagüe reño, ani ngaraa mbae jei oendugüe reño;

ISAÍAS 11:3 ပူးပေါင်းရင်းမြစ်များ

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

2 SAMUEL 14:8

Jayave mburuvicha guasu jei jókuae kuña pe: —Ekua ndero pe, che aekata kërai romborɨ vaerä.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

JOB 12:11

Apɨsa, oendu ñee reta, jare yuru, ojäa tembíu.

JOB 34:3

Echa yandeapɨsa rupi ko yaendu ñee reta, jare ñaneäpeku pe yaikuaa tembíu jëe ngatu vae.

PROVERBIOS 2:5

Jayave reikuaata kërai ko yaipoɨu yandeYa güi vae; ¡reikuaata kërai ko Tumpa yaikuaa vae!

PROVERBIOS 2:9

Jayave peikuaata yembojupi, yembosɨmbi jare yae yaeiñombae vae, jare opaete teko kavi.

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

EZEQUIEL 45:8

Kuae ɨvɨ güɨnoita mburuvicha reta Israel pegua imbaerä; jökorai ngaraa ye ma mburuvicha reta güɨrekoasɨ katu chembae vae reta, omaeiño retata Israel iñemuña reta pe ɨvɨ oñemee ñemuña ñavo rupi vae re.

MIQUEAS 4:3

Jare oporojäata jeta vae tëta reta re, jare ombosɨmbita tëtaguasu reta imbaepuere yae vae jeko, mombɨrɨ ñogüɨnoi vae reta ave; jare opata oyapaso martillo pe ikɨsepuku reta, oyapo vaerä äsarourä jare imii reta oyapota tembiporu hozrä; tëtaguasu reta mbaetɨta ma oupi oyokotɨ kɨsepuku, jare ngaraa ye ma oime yemboe ñeraro peguarä.

San Lucas 2:52

Jare Jesús okuakuaa ojo oiko, jökorai vi arakuaa pe, Tumpa jare ïru vae reta ipɨa kavi oï jese.

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

San Juan 7:24

Agüɨye peporojäa peecha vae rupiño. Peporojäa kavi jupi rupi.

Hebreos 5:14

ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”