ISAÍAS 11:15 - Biblia Guarani Tumpa Iñee

¹⁵ YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 11:15 ပူးပေါင်းရင်းမြစ်များ

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 14:29

Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 43:16

Jökorai jei yandeYa oipea tape ɨguasu mbɨte rupi vae, ɨ yavaete vae rupi omboape vae;

ISAÍAS 44:27

Che chepuere opa omondɨpa ɨguasu jare ɨ̈aka reta.

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

ISAÍAS 7:20

Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

ISAÍAS 8:7

jáeramo, yandeYa güeruta jese reta ɨ tuicha jare ipɨ̈rata yae vae, (kuae jae ko mburuvicha guasu Asiria pegua, opaete imbaepuere ndive). Jókuae ɨ tɨnɨe yaeta ɨ̈aka, jare oyepɨyereta opaete jembeɨ rupi,

EZEQUIEL 29:10

Jáeramo, che ayovaicho ndekotɨ jare neɨ̈aka re, amboaita ɨvɨ Egipto, aeyata ipombae Migdol güive Sevene pe jare Etiopía jembeɨ rupi.

EZEQUIEL 30:12

Ɨ̈aka Nilo amondɨpata, jare ameeta jókuae ɨvɨ jekopochɨ vae reta ipo pe, ketɨgua reta imbaepuere rupi amboaita ɨvɨ jare opaete pɨpegua reta. Che peYa jae.

ZACARÍAS 10:11

Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.