ISAÍAS 11:14 - Biblia Guarani Tumpa Iñee

¹⁴ Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 11:14 ပူးပေါင်းရင်းမြစ်များ

ISAÍAS 14:29

Agüɨye eyerovia tëtaguasu Filistea, jókuae oiporarauka yepi ndeve vae iporookuai opa chugüi jeko pegua, echa moichɨ güi oëta moitini, ani mboi oveve vae.

ISAÍAS 15:1

Tëtaguasu Moab maratuta vae regua: Pɨ̈tu yave ko tëta guasu Ar Moab pegua opa oyemboai, jayave ko Moab kïrii opɨta. Pɨ̈tu yave ko tëta guasu Kir Moab pegua opa oyemboai, jayave ko Moab kïrii opɨta.

ISAÍAS 16:14

Ërei añave yandeYa jei: “Mboapɨ añoa rupi, jókuae ara ñavo oyemboepɨ iparavɨkɨ chupe vae oipapa ara reta vae ou oväe chupe rami, jökoraita ou opa okañɨtei Moab jërakua yae vae, yepe tëi jeta yaeta pɨpegua reta; jaeño jembɨreta mbovɨ mii, jare mbaetɨta imbaepuere reta.”

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 40:11

Jökorai vi opaete Judáɨgua reta ñogüɨnoi Moab pe vae, jare Amón iñemuña reta ipɨte pe vae, jare Edom pe, jare ïru ɨvɨ pe ñogüɨnoi vae reta oikuaa mburuvicha guasu Babilonia pegua omaeño amogüe Judáɨgua opɨta iɨvɨ pe, jare oñono oeya Gedalías tëta ruvicharä chupe reta vae.

JEREMÍAS 48:40

YandeYa jei körai: “Moab jovaicho oporepeña ikotɨ, güɨraké ipepo oipɨso kavi oporepeña rami.

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 49:28

YandeYa jei körai Cedar iñemuña reta regua jare Hazor pegua mburuvicha reta regua, jae ko Nabucodonosor mburuvicha guasu Babilonia pegua omoamɨri vae reta: “¡Pepüa, peporepeña Cedar re! ¡Opa pemokañɨtei jókuae ñemuña reta kuaraɨ oëa kotɨgua!

EZEQUIEL 25:14

Aiporaraukata Edom pe Israel tëta chembae vae rupi; jae reta oyapota Edom pegua reta pe chearasɨ oï ikotɨ reta rupi. Jökorai oikuaa retata che ko aiporarauka chupe reta vae. Che peYa Tumpa jae kuae.”

DANIEL 11:41

Oiketa vi ɨvɨ ikavi yae vae pe jare oyukata jeta yeyé kuimbae reta; ërei oasayepeta chugüi reta Edom pegua reta, Moab pegua reta jare jeta Amón pegua reta.

JOEL 3:19

Egipto opata oyemboai, jare Edom opɨtata ipombae; Judá iñemuña reta re oyuvanga reta jeko pegua; iɨvɨ pe oyuka reta jekombae vae.

AMÓS 9:12

Edom güi jembɨregüe jare ïru tëtaguasu reta ou ye vaerä opɨta tëta Israel, cheree omboete vae imbaerä.” YandeYa, opaete mbaembae oyapo vae, jei körai.

HABACUC 1:8

Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.

SOFONÍAS 2:5

¡Paravete, ɨguasu jembeɨ rupi oñemoëta vae, cereteo reta! Tumpa jei körai: “¡Canaán, filisteo reta iɨvɨ, opata ndeipo reta amokañɨtei!

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

NÚMEROS 24:17

Aechata, ërei mbaetɨ añave; amaeta jese, ërei mbaetɨ köi güi: Jacob iñemuña güi oëta metei Yasɨtata, Israel iñemuña reta güi opüata metei Mburuvicha guasu, jae ombopereta Moab iñäka, jare opata omboai Set iñemuña reta.

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

JUECES 6:3

Echa Israel iñemuña reta jemitɨ oime ñavo, Madián iñemuña reta, amalecita reta jare kuaraɨ oëa kotɨgua reta yogüeru oporepeña jese reta.