ISAÍAS 11:11 - Biblia Guarani Tumpa Iñee

¹¹ Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 11:11 ပူးပေါင်းရင်းမြစ်များ

GÉNESIS 10:10

Jae omboɨpɨ oporookuai tëta tuicha vae reta Babel, Erec, Acad jare Calne re, ɨvɨ Sinar pe.

GÉNESIS 10:22

Sem taɨ reta jae: Elam, Asur, Arfaxad, Lud jare Aram.

GÉNESIS 11:2

Oyakavo reta yave kuaraɨ oëa kotɨ güi, oväe reta chupe metei ñuu kavi ɨvɨ Sinar jee vae pe, jare joko pe oñemoëta reta.

GÉNESIS 14:1

Jókuae ara rupi oiko Amrafel mburuvicha Sinar pegua, Arioc mburuvicha Elasar pegua, Quedorlaomer mburuvicha Elam pegua jare Tidal mburuvicha Goim pegua.

GÉNESIS 2:13

Ɨ̈aka mokoía jee Gihón; kuae ɨ̈aka oyere opaete ɨvɨ Cus jee vae re.

2 REYES 17:24

Mburuvicha guasu Asiria pegua güeru kuimbae reta Babilonia güi, Cuta güi, Ava güi, Hamat güi jare Sefarvaim güi, jare oñono tëta guasu reta ɨvɨ Samaria pegua rupi, Israel pegua reta jekovia pe. Jökorai yogüɨreko ɨvɨ Samaria pe tëta guasu ñavo rupi.

ESTER 10:1

Mburuvicha guasu Asuero oñono mborookuai mbaemboepɨ regua opaete ɨvɨ rupi jare ɨguasu jembeɨ rupi ani ɨguasu päu rupi yogüɨreko vae reta pe.

SALMOS 68:22

YandeYa jei: “Basán güi rogüeru yeta; rogüeru yeta ɨguasu iyɨvɨte güi,

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 10:20

Jókuae ara rupi, Israel pegua reta oasayepegüe, Jacob iñemuña pegua reta oasayepegüe, ngaraa ye ma oyeko reta imoamɨría re, ërei ngatu oyeko retata añetete pegua yandeYa re, Iyoambae Israel pegua re.

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 19:22

YandeYa ombopereta Egipto, ërei jaɨkue rupi ombogüerata. Jae reta oyerovata yandeYa kotɨ, jare jae oipararekota omae jese reta jare ombogüerata.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 22:6

Elam pegua reta oyapo kavi ma juvɨrɨru, ñogüɨnoi ma ikavayu re jare ikäretou ñeraro pegua pe; jare Kir pegua reta güɨnoe ma iyeopiaka.

ISAÍAS 24:15

Opaete kuaekuae re pemboete yandeYa, kuaraɨ oëa kotɨgua reta, ɨguasu päu rupigua reta pemboete yandeYa, Tumpa Israel pegua.

ISAÍAS 37:31

Jare Judá pegua reta güi jembɨregüe, temitɨ jokɨ pɨau jare ia ye vae ramita,

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

ISAÍAS 42:4

Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 49:12

Mase, amogüe reta yogüeruta matɨ güi, amogüe reta yogüeruta ɨvɨtuguasu kotɨ güi, amogüe reta yogüeruta kuaraɨ oikea kotɨ güi, amogüe reta yogüeruta ɨvɨ Sinim jee vae kotɨ güi.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 25:25

opaete mburuvicha guasu reta Zimri pegua, Elam jare Media pegua reta;

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 44:1

YandeYa jei Jeremías pe opaete Judáɨgua yogüɨreko Egipto pe vae reta peguarä: Tëta guasu reta Migdol, Tafnes, Menfis jare ɨvɨ Patros pegua reta regua körai:

JEREMÍAS 49:23

Damasco regua jei körai: “Tëta guasu Hamat jare Arfad pegua reta ipɨa jopa yae ñogüɨnoi, echa ñee ikavimbae ou oväe chupe reta. Ipɨakɨɨye yae ñogüɨnoi, mbaetɨ ipuere ñogüɨnoi pɨagüive.

EZEQUIEL 27:6

Ɨvɨra roble jee vae Basán pegua oyapo reta negüɨ̈raperä; Quitim güi oyereru ɨvɨra pino jee vae oyapete reta vaerä, jare elefante jäimbuku pe omopöra reta.

EZEQUIEL 29:14

Tembɨpɨɨrä Egiptoɨgua yogüɨreko vae reta aru yeta oñemoëta Patros pe, jae reta jëta ae pe, joko pe yogüɨreko yeta, ërei mbaetɨta ma imbaepuere tenonde rami.

EZEQUIEL 30:14

Tëta Patros amboaita, Zoán re ayatapɨta, tëta Tebas ajäata.

EZEQUIEL 32:24

Joko pe oï Elam jare iyɨ́vɨri opaete isundaro reta jɨvɨa; opaete jae reta omano ñeraro pe, jae reta ko Tumpa re güɨroviambae reta, opaete yogüɨraja ɨvɨgüɨ kotɨ. Echa oporomongɨɨye reta yepi ɨvɨ pe, ërei añave ñogüɨnoi ñemomarai pe omanogüe reta ñogüɨnoia pe.

EZEQUIEL 38:8

Kuae güire ɨma pe Tumpa ndeokuaita reporepeña vaerä ɨvɨ ñeraro güi oasayepe vae re, ketɨ ketɨ ïru ɨvɨ güi oyereru vae reta re, ɨvɨtɨ reta Israel pegua re ñogüɨnoi vae, tëta oyemboai avei vae; ërei oñerenoeuka tëtaguasu reta güi, jare opaete jae reta yogüɨreko pɨagüive vae re.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 11:18

Jaɨkue rupi oporepeñata tëta guasu reta ɨguasu jembeɨ rupigua re, jare jeta opɨ̈rota; ërei metei sundaro ruvicha omboapɨta chugüi imbaeyuvanga, omomarai yaeta oeya.

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

OSEAS 11:11

“Güɨra reta iñäkua oveve rami yogüeruta Egipto kotɨ güi; yogüeruta Asiria güi, pɨkasu rami; jare ameeta yogüɨreko pɨau ye jo ae rupi. Che ndeYa ko jae kuae.

MIQUEAS 7:12

Jókuae ara rupi yogüeruta ndekotɨ opaete ketɨ ketɨ güi: Asiria güive Egipto kotɨ güi, ɨ̈aka Nilo güive ɨ̈aka Éufrates kotɨ güi, metei ɨguasu güive ïru ɨguasu kotɨ güi, metei ɨvɨtɨ guasu güive ïru ɨvɨtɨ guasu kotɨ güi.

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

ZACARÍAS 5:11

Jayave jae jei cheve: “Oñemopüa vaerä chupe o, ɨvɨ Sinar pe. Jare opa ma oyeapo yave oñono retata jenda re.”

ZACARÍAS 8:7

Mase, ko che ayorata tëta chembae, ïru tëta guasu kuaraɨ oëa kotɨgua imbaepuere güi; jare tëta guasu kuaraɨ oikea kotɨgua imbaepuere güi,

ZACARÍAS 9:2

Jaeramiño vi Hamat; Tiro jare Sidón yepe tëi yarakuaa yae.

Romanos 11:15

Echa Tumpa omombo vae rupi ɨvɨ pegua reta güɨnoi mbɨakatu Tumpa ndive. Vɨtei pa Tumpa omboresive reta ye yave, güeruta tekove omano vae reta pe.

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

2 Corintios 3:16

Ërei oyerova reta yandeYa kotɨ yave, jókuae äka-soia oyeekɨ chugüi reta.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’