ISAÍAS 10:5 - Biblia Guarani Tumpa Iñee

⁵ Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 10:5 ပူးပေါင်းရင်းမြစ်များ

GÉNESIS 10:11

Kuae ɨvɨ güi oë oiko vaerä tëta Asiria jare oyapo tëta guasu Nínive, Rehobot, Cala,

2 REYES 18:25

¿Rerovia pa che ayu aporepeña amboai vaerä kuae tëta guasu yandeYa iporomborɨmbae reve? ¡Jae ko cheokuai aporepeña vaerä jese jare amboai vaerä!

2 REYES 19:25

¿Mbaetɨi pa peikuaa che, Tumpa arakae güiveño mai ko ayapo kuaekuae vae, jare ɨmaño mai ko ayemongeta aiko jese vae? Jáeramo añave rogüeruruka, nde opa vaerä remboai tëta guasu reta oñekëse kavi yae vae, jare opata reeya tëtagüerä.

SALMOS 125:3

Jeko kavimbae reta ngaraa yogüɨreko avei mburuvicharä Tumpa omee ɨvɨ jae imbae vae reta pe vae pe, echa jökorai yave imbae vae reta omboɨpɨta ko oyapo ikavimbae.

SALMOS 17:14

ndembaepuere pe chereroasayepe chugüi reta cheYa, ¡emokañɨtei reta kuae ɨvɨ güi, echa jae reta imbae güɨnoi kuae ɨvɨ peño! Jae reta oyemboikokatu yae ndeporerekua pe, omoɨ̈vɨata taɨ reta, jembɨre ye jɨmɨmino reta peguarä.

ISAÍAS 10:15

¿Ipuere pa yɨɨ oyererovia katu, pɨpe ombaeasɨa oï vae güi?, ani ¿siera oyererovia katu imomɨia güi? Popoka ɨvɨra peguaño vae, ¿ipuere pa jae oupi iya?

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 14:25

Asiriaɨgua reta opata amboai cheɨvɨ pe, cheɨvɨtɨ re opata apɨ̈ro jese reta, mbaetɨta ma güɨnoi reta mbaepuere tëta chembae vae re, mbaetɨta ma oiporarauka chupe reta.

ISAÍAS 23:13

Pemae kërai opɨta Caldeaɨgua reta ɨvɨ, Asiriaɨgua reta omopüa, tëta mbaetɨse oiko vae. Omopüa reta tëta ñuu pe, oguataiño vae reta peguarä. Caldeaɨgua reta omopüa ñepɨ̈roka, jare o mburuvicha peguarä, jae reta opa omboai tëta.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 30:27

Mase, yandeYa ou matɨ güi; iyarasɨ jendɨ tata yavaete yae vae rami, jembe re oyekuaa iyarasɨ vae, jare ikü tata yavaete yae vae rami,

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 66:14

Peechata jare oyeroviata pepɨa, jare perete, ñana jokɨ pɨau vae ramita. YandeYa oechaukata imbaepuere, jembiokuai reta pe, ërei oechaukata iyarasɨ, jovaicho reta pe.

ISAÍAS 7:17

YandeYa güeruta nderé, nerëta re jare mburuvicha guasu jo pegua reta re, ara reta mbaetɨi jökorai vae, arakae Efraín oyemboyao Judá güi güive vae.” (Jókuae jae ko mburuvicha guasu Asiria pegua oporepeñata vae.)

ISAÍAS 7:20

Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

ISAÍAS 8:7

jáeramo, yandeYa güeruta jese reta ɨ tuicha jare ipɨ̈rata yae vae, (kuae jae ko mburuvicha guasu Asiria pegua, opaete imbaepuere ndive). Jókuae ɨ tɨnɨe yaeta ɨ̈aka, jare oyepɨyereta opaete jembeɨ rupi,

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 7:10

¡Mase, ko ma oï ara! ¡Ou ma oväe kañɨtei!, ikavimbae oï oipota rupi, oasa ete ma pepɨarai.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

NAHUM 1:1

Tëta guasu Nínive mbae oasata vae regua, Tumpa oechauka Nahum, Elcos pegua pe.

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

SOFONÍAS 2:13

Jae omopüata ipo ɨvɨtuguasu kotɨ omboai vaerä Asiria, tëta Nínive oeyata kïrii ngatu, ñuu rami otinita opɨta.

NÚMEROS 24:24

Yogüeruta barco reta ɨguasu mbɨte Quitim jee vae kotɨ güi, oiporaraukata Asiria pe jare Heber pe; ërei jae reta opata vi ko okañɨtei jekuae avei pegua.”