ISAÍAS 10:3 - Biblia Guarani Tumpa Iñee

³ ¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 10:3 ပူးပေါင်းရင်းမြစ်များ

GÉNESIS 31:1

Jacob oendu Labán taɨ reta jei vae: “Jacob opaetei oipɨɨ yanderu imbaembae; opaetei yanderu imbaembae oipɨɨ ramo oikokatu yae.”

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

JOB 31:14

¿Mbae ra ayapota Tumpa chejäa yave? ¿Mbae ra jaeta oparandu cheve yave?

PROVERBIOS 11:4

Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 17:4

Jókuae ara Israel iyemboetea jagüeta, mbaetɨta ma ikɨra oiko.

ISAÍAS 20:6

Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”

ISAÍAS 26:14

Jae reta opa ma ko omano, ngaraa ye ma oikove reta; jendagüe retaño ma ko opɨta; echa reinupa reta ko, remokañɨtei reta ko, opaeteita remoakañɨ chugüi reta vae.

ISAÍAS 26:21

Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

ISAÍAS 28:20

Yavai yaeta, tupa michi vae pe mbaetɨ yandepuere yayepɨso vae rami, ani asoya michi yae vae pe yayeasoi rami.

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

ISAÍAS 30:5

jeseve pemarata jókuae tëta guasu mbaetɨ pemborɨ vae jeko pegua, mbaetɨ ikavi peve, mbaetɨ ombou peve yemborɨ, jaeño ñemomarai jare susere peväe peyeupe.”

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 39:3

Jayave ñeemombeúa Isaías ojo mburuvicha guasu Ezequías pɨri, jare oparandu chupe: —¿Ketɨ güi pa yogüeru jókuae kuimbae reta, jare mbae pa jei reta ndeve? Ezequías jei: —Matɨ güi ko yogüeru reta; Babilonia kotɨ güi.

ISAÍAS 5:14

Jáeramo, omanogüe reta ñogüɨnoia oyembopɨguasuta, iyuru tuicha opopirata mbaeporou rami, omókoi vaerä tëta chembae vae jare juvicha reta, jókuae kuimbae reta kau rupi yogüɨreko vae jare iyapirai pɨpe vae reta.

ISAÍAS 5:26

YandeYa omopüata metei bandera, jare oenɨita itɨvɨñee pe metei tëta matɨ oï vae; jare outa oväe jarembae pegua voi;

JEREMÍAS 22:7

Ambouta ndeve kuimbae reta jembiporu ñeraro pegua reve reve, nemokañɨtei vaerä. Oyasɨata nderokɨta reta ɨ̈vɨrare ikavigüe yae vae, jare oñono retata tata pe.

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 9:9

Kuae jeko pegua ¿amaeñota ra jese reta? Metei tëtaguasu kuae nunga oyapo yave, ¿mbaetɨ ra jupi aiporarauka vaerä chupe jeko? Che ndeYa jae kuae.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 9:5

¿Mbae pa peyapota arete mbaemboete pegua oväe yave, yandeYa pe arete oyeapo vae?

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 5:19

Yaguapope güi otekuarai vae ojo oñoövaiti oso ndive ramita ko; ani o pe oike vae opoko ovapetea re yave mboi oichuu vae ramita ko.

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Lucas 19:44

Jare jae reta opata ndembosururu jare oyukata opaete ndepɨpe yogüɨreko vae reta. Ngaraa oeya reta metei ita ïru ita iárambo, mbaetɨ ramo reikuaa Tumpa ou tëi ndemborɨ vae.”

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.