ISAÍAS 10:26 - Biblia Guarani Tumpa Iñee

²⁶ Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 10:26 ပူးပေါင်းရင်းမြစ်များ

2 REYES 19:35

Jókuae pɨ̈tu voi yandeYa iaraɨgua oë, jare oyuka Asiriaɨgua reta jeyupa pe ciento ochenta y cinco mil kuimbae; köe yave opüa reta yave, oecha reta opaete tëogüe yepeaiño ma.

SALMOS 35:23

CheYa Tumpa, chereepɨ, ¡epa jare epüa eyapo cheve jupi vae!

SALMOS 83:11

Eyapo isundaro ruvicha reta pe, mburuvicha reta Oreb jare Zeeb pe reyapo rami; jare eyapo opaete juvicha reta pe, mburuvicha reta Zeba jare Zalmuna pe reyapo rami,

ÉXODO 14:16

Eupi ndepopoka jare eropövee ɨguasu re, jare emboyao, jare toike Israel iñemuña reta jókuae ɨguasu ipäu rupi, ɨvɨ otini vae rupi.

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 30:31

Asiria oiporaraukase yae yepi vae, oiporarata vi yandeYa iñee rupi,

ISAÍAS 30:32

jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

ISAÍAS 9:3

Rembojeta kuimbae reta jare remoïru yerovia. Oyerovia retata nderóvai, mbaarɨvo iara pe oyerovia reta rami, ani ñeraroa pe opɨ̈rogüe omboyao yave oyerovia reta rami.

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

Apocalipsis 11:18

Jare tëtaguasu reta iyarasɨ. Ërei ndearasɨ oväe ma rejäa vaerä omanogüe reta, jare remboekovia vaerä nderembiokuai ñeemombeúa reta, oporogüɨrovia vae reta, jare omboete nderee vae reta michia reta jare okuakuaa vae reta, jare remboai vaerä ɨvɨ omboai vae reta.”

Apocalipsis 19:15

Jare iyuru güi oë metei kɨsepuku jaimbe vae. Pɨpe oyuka vaerä tëtaguasu pegua reta. Jare oporookuaita ipopoka jiero pegua pe. Opɨ̈rota jese reta uva oñetɨami yave oñepɨ̈ro jese vae rami, Tumpa Imbaepuere yae vae iyarasɨ yae rupi.

JUECES 7:25

jare oipɨɨ reta mókoi reve mburuvicha guasu Madián iñemuña reta juvicha, Oreb jare Zeeb. Oreb oyuka reta ɨ̈vavira Oreb jee añave vae pe, jare Zeeb oyuka reta Zeeb jee vae pe, uva oñetɨamisea pe. Jare oaɨkuemoña poi reta ma yave, güɨraja reta Gedeón pe, Oreb jare Zeeb iñäkagüe, ɨ̈aka Jordán jovaicho pe.