ISAÍAS 10:17 - Biblia Guarani Tumpa Iñee

¹⁷ Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 10:17 ပူးပေါင်းရင်းမြစ်များ

SALMOS 18:8

Tätati oë iñäpɨgua rupi, tata oporomokañɨtei vae oë iyuru güi, tätapɨi jendɨ vae oë chugüi.

SALMOS 21:9

Horno jaku yae vae rami reñonota ndearasɨ iara pe. Ndearasɨ pe remboaita, tata pe remokañɨteita.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 97:3

tata ojo jae jenonde, jare opata oapɨ iyɨ́vɨri tovaicho reta ñogüɨnoi vae.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 27:4

Mbaetɨ chearasɨ aï ikotɨ, oime yave ñurati jare ñana pɨpe, opata ko aekɨ, jare opaeteita ko aapɨ.

ISAÍAS 27:7

Tumpa mbaetɨ ko oiporarauka Israel pe, Israel jovaicho reta pe oiporarauka rami, mbaetɨ ko oyuka Israel, Israel jovaicho reta oyuka rami.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 31:9

jare okɨɨye güi opata oë otekuarai oñemía güi, jare sundaro ruvicha reta opata omombo oeya ibandera. Jökorai jei yandeYa, jae oime güɨnoi Sión pe, Jerusalén pe tata.

ISAÍAS 33:12

Tëta reta opata opɨta tanimburä, ñurati opa oyeasɨa oyeapɨ vae rami opata ókai.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 47:14

Ërei jae reta ko kapiiño, tata oapɨ reta vae ramiñota, ngaraa ipuere reta oyeepɨ tata güi. Echa tata jätapɨi vaeä ko, oguapɨ jare oyepee vaerä jóvai.

ISAÍAS 60:19

Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

ISAÍAS 9:18

Echa ikavimbae omboɨpɨ jendɨ tata rami, tata yavaete jendɨ vae oapɨ opaete yuu reta jare ñana reta, javoi oasa ɨvɨra ɨvate tëɨ vae reta re, jare ɨvate oñemokusumirou jätati.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

DEUTERONOMIO 4:24

Echa yandeYa Tumpa ko, Tumpa jägüɨro vae, ¡tata oporomboai vae rami ko!

Hebreos 12:29

echa ñaneTumpa ko tata opaetei oapɨ mbae oeya vae rami vae.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.